• USD 1,7447 0,00% EUR 1,8426 0,00%
    • GBP 2,1708 0,00% RUB 0,0301 0,00%

Obamanın bu səhvi böyük müharibəyə səbəb oldu

  • Dünya
  • 11 Yanvar 2017 22:25
  • 1 015 Baxış
Obamanın bu səhvi böyük müharibəyə səbəb oldu

Yanvarın 20-də postunu təhvil verəcək ABŞ Mərkəzi Kəşfiyyat İdarəsinin (CİA) şefi Con Brennan Barak Obamanı “ərəb baharı” ilə bağlı səhv siyasət aparmaqda ittiham edib.

Publika.az xəbər verir ki, C.Brennan Obamanın “ərəb baharı”nın mümkün nəticələrini səhv qiymətləndirdiyini deyib.

“Mən düşünürəm ki, Vaşinqtonda Prezident Administrasiyasının bəzi nümayəndələrinin də daxil olduğu qrupun “ərəb baharı”dan qeyri-real gözləntiləri var idi. Onlar hesab edirdilər ki, bu, rejimləri sıxışdıracaq və demokratiyanı inkişaf etdirəcək”, - deyə o bildirib.

CİA-nın şefi hesab edir ki, ABŞ-ın hərbi kontingentinin 2011-ci ildə İraqdan çıxarılması ilə ərəb ölkələrində qeyri-sabitlik daha da gücləndirdi:

“ABŞ qoşunlarının çıxarılması baş verənlərə birbaşa səbəb olmasa da, bu ümumi destabilizasiyanı sürətləndirdi. İŞİD-in təsir gücünün artmasına səbəb oldu. Lakin amerikalı əsgərlər İraqda qalsaydılar, onlar arasında itkilər olacaqdı. Bu baxımdan, ABŞ mürəkkəb seçim qarşısında qalmışdı”.

Rusiyalı politoloq Aleksandr İqnatenkon hesab edir ki, ABŞ Yaxın Şərqdə hər şeyi səhv etdi:

“Brennanın sözləri getməyə hazırlaşan Obama Administrasiyasının bir növ siyasi qiymətidir. Amerika kütlələrin üsyanını yanlış qiymətləndirdi, nəticədə isə qeyri-sabitlik və xaos yarandı”.

Rusiya Elmlər Akademiyasının Şərqşünaslıq İnstitutunun Ərəb Tədqiqatları Mərkəzinin böyük elmi işçisi Boris Dolqov hesab edir ki, Donald Tramp yanvarından 20-dən sonra “ərəb baharı”nın Yaxın Şərqdə yaratdığı problemləri həll etmək məcburiyyətində qalacaq:

"Tramp seçkiqabağı kampaniyasında ABŞ-ın xarici siyasətinə yenidən baxmağın vacibliyi haqqında danışırdı. Lakin buna nə dərəcədə nail olacağını demək hələlik tezdir. Andiçmədən sonra onun aparacağı siyasət və tutacağı mövqe Yaxın Şərqin də gələcəyinə təsir edəcək”.

Asif

Загрузка...

Xəbər lenti

DAHA ÇOX XƏBƏR