​​​​​​​ABŞ-ın Türkiyə ilə bağlı yeni planı AÇIQLANDI

ABŞ prezidenti Donald Tramp administrasiyası Türkiyə ilə əlaqələri bərpa etmək və Ankaranı Rusiya və İranla qurduğu ittifaqdan qoparmaq üçün işə başlayıb.

Publika.az xəbər verir ki, bu haqda“Wall Street Journal” nəşrinə danışan Ağ Evdəki mənbələr bildiriblər.

Mənbələrin sözlərinə görə, ABŞ İran və onun müttəfiqlərinin Suriyadan çıxarılması üçün Ankaraya yardım təklif etməyi planlaşdırır. Qəzet Ankara ilə aparılan danışıqlarda Trampın milli təhlükəsizlik məsələləri üzrə məsləhətçisi Herbert Makmaster, xarici işlər naziri Reks Tillerson və müdafiə naziri Jeyms Mettis kimi yüksək rütbəli rəsmilər də daxil olmaqla, çoxlu sayda səlahiyyətlinin iştirak etdiyini yazıb.

Mənbələrdən birinə görə, Türkiyənin Rusiya və İranla yaxınlaşması, Türkiyənin maraqları ilə ziddiyyət təşkil edir. Bildirilir ki, Rusiyanın Türkiyəyə S-400 zenit-raket satmasının əsas məqsədi NATO-nu dağıtmaqdır. Mənbələr Rusiyanın bu istiqamətdə irəliləyiş əldə etdiyini ifadə ediblər.

Ömər Dağlı