Dünya
Suriya xalqı niyə Əsədi dəstəklədi?
ABŞ Dövlət Departamentinin sözçüsü Meri Harf dünən Suriyada keçirilən prezident seçkisini “biabırçılıq” adlandırıb.
Meri Harf bu gün mətbuat konfransı keçirib. Harf konfransda Suriya məsələsinə də toxunub. O, azad cəmiyyətin olmadığı bir ölkədə seçki keçirməyin ağlasığmaz bir hərəkət olduğunu deyib: “Həqiqətlərdən uzaqlaşmış və siyasi inkişafdan uzaq olan Əsəd rejiminin təşkil etdiyi seçki suriyalıların barış və rifah istəklərini yerinə yetirməyən, siyasi fərqlilikləri zorakılıqla əzən sülalənin 40 illik mirasının davamıdır”.
Görəsən, İSİD və digər terrorçu qruplara hərtərəfli dəstək verən ABŞ bilmirmi ki, Əsəd rejimi getsə, Suriyada dəhşətli soyqırım baş verər? Əlbəttə ki, bilir. Sadəcə, Amerika həmişə proseslərə öz mənafeyindən yanaşır, bu yanaşma ədalətli ola da bilər, olmaya da. Əslində, söhbət Əsədin qələbəsi ilə bağlı deyil. Əsədin devriləcəyi halda nə ola bilər? Maraqlı olan bax budur.
Fransız kəşfiyyatçısının analizi
Suriya üzrə fransız kəşfiyyatının əsas mütəxəssislərindən biri
Alen Şuenin açıqlamalarına görə, Əsəd rejiminin devrilməsi ölkədə
əsl fəlakət yarada bilər. Əvvəla, Əsəd rejimi avtoritar olsa da,
burada hakimiyyət Tunisdə, Misirdə, Liviyada, İraqda olduğu kimi,
bir adamın, yaxud bir ailənin əlində cəmləşməyib. Mürəkkəb Əsəd
hökuməti aysberqin görünən hissəsidir. Onun gedişi ölkədəki
qüvvələr balansını dəyişməyəcək. Nəzərə almaq lazımdır ki, Əsədin
arxasına hakimiyyətə tam dəstək verən, onu əldən verməmək üçün
ölüm-dirim savaşına hazır olan 2 milyonluq ələvi icması var.
Onların savaşa hazır olmasının da ciddi səbəbləri mövcuddur.
Ümumiyyətlə, gəlin ələvilərin kim olduqlarına baxaq.
Ələvi faktoru
Ələvilikdə dəstəmaz, namaz, oruc kimi ibadətlər var. Amma onlar
bildiyimiz İslam rituallarından bir qədər fərqlidir.
Qeyd edək ki, son dövrlərdə çoxları ələvilik təriqətini İslamın
şiə-cəfəri məzhəbi ilə qarışdırır. Bir İslam təriqəti olan ələvilik
sufi-təsəvvüf görüşü üzərində qurulub. Bu gün ayrı-ayrı cərəyanlar
kimi təqdim olunan bəktaşilik də ələviliyin bir qoludur. Artıq
müasir ələvilər son bir neçə yüz ildə Türkiyədə iki cərəyana
bölünən ələvi-bəktaşi görüşlərini birləşdirir. Qızılbaşlığın özü də
ələviliyin orta əsrlərdə geniş yayılmış qolu olub bu gün ələviliklə
birləşir. Bu təriqət Türkiyə ilə yanaşı, bir sıra ərəb ölkələrində
də geniş yayılıb. Suriyanın hazırkı prezidenti Bəşər Əsədin ailəsi
ələvi təriqətinə mənsubdur. Ümumiyyətlə, Suriya dövlət başçısının
ata-baba yurdu olan Laziqiyyə, Tartus və Hələb şəhərlərində
ələvilik geniş yayılıb.
Ələvilikdə iki növ dəstəmaz var və “zahiri dəstəmaz” deyilən
yuyunma Quran ayələri əsasında həyata keçirilir. Ələvilərin ibadəti
namaz, niyaz və duadan ibarətdir. Namaz gündə üç dəfə – gün
çıxanda, günorta və günəş batanda qılınır. Bu ayin İslamda
buyurulan namazdan tamamilə fərqlənir. Ələvi “niyaz”ı isə Quranda
qeyd olunan səcdəyə dayanan ibadətdir. Ələvilər məsciddə deyil,
“cəm evləri”ndə toplaşaraq toplu halında “niyaz” edirlər.
Ələvilikdə qiblə insanın camalıdır. Cəm halda toplanan ələvilər
musiqi alətlərinin (xüsusən sazın) müşayiəti ilə “həlqə namazı”
deyilən və əyilib-durmalarla müşayiət olunan namaz qılırlar. Bu
zaman ələvilər “Allah, Allah!” deyə hayqırırlar.
İbn Teymiyyənin fətvası
Səmavi dinlərdə mürtədlik cinayət hesab olunur. Sünni məzhəbinin
daşıyıcıları isə ələviləri müxtəlif cərəyanlar arasında ən mürtədi
adlandırırlar. Hələ XV əsrdə vəhhabi cərəyanının əsasını qoyan
ələvilərin ucdantutma məhv edilməsi barədə fətva olub. Söhbət ondan
gedir ki, İbn Teymiyyənin fətvası indiki zamanda da sələfilər,
vəhhabilər, “Müsəlman qardaşlar” tərəfindən şübhə altına alınmır.
Misirdə olduğu kimi, Suriyada da sələfilərin hakimiyyətə
yiyələnməsinin hansı nəticələr doğuracağını təxmin etmək çətin
deyil.
Digər tərəfdən, 1966-ci ilədək Suriya sünnilər tərəfindən idarə
olunub. Həmin vaxtlarda sünni burjuaziyası ələvilərin gənc qız və
oğlanlarını qul kimi alıb satırdılar. Ələvilər ancaq qara işlərlə
məşğul olurdular. İş o yerə çatmışdı ki, sünni ərəblər uşaqlarını
orduya göndərməyi özlərinə sığışdırmırdılar. Orduya əsasən
ələvilər, ismaililər, xristianlar, druzlar çağırılırdı.
Kasıb və incidilən zümrənin əlinə silah verirsənsə, o, bundan
mütləq istifadə edəcək. Belə də oldu. Ən kasıb ələvi ailəsində
çıxan Hafiz Əsəd ötən əsrin 70-ci illərində əvvəlcə Hərbi Hava
Qüvvələrinin komandanı, daha sonra müdafiə naziri oldu. Sonra digər
milli azlıqlar – xristianlar və druzlarla ittifaq quraraq
hakimiyyətə yiyələnib, ələvilərin revanşını aldı və tədricən
ölkədəki siyasi və iqtisadi rıçaqları azlıqlara verdi.
Amma sələfilər də borclu qalmırdı. 1980-ci ildə “Müsəlman
qardaşları”nın üzvləri hərbi məktəblərdən birinə daxil olaraq
sünniləri ələvilərdən ayırdılar. İbn Teymiyyənin fətvasını yerinə
yetirən terrorçular 80 ələvi kadeti güllələdilər. Bunun cavabında
indiki prezident Bəşər Əsədin əmisi 1982-ci ildə Həma şəhərində
sələfilərin düşərgəsini məhv etdi. Minlərlə insan həlak oldu. O
vaxtdan indiyədək ölkədə zaman-zaman dini zəmində toqquşmalar olur.
Odur ki, həm 2 milyonluq ələvi icması, həm də digər azlıqlar həmişə
Suriyada sələfi reformatorun hakimiyyətə gəlməsinə qarşı
çıxacaqlar. Ölüm-dirim savaşı bahasına da olsa…
İlqar Atabəyli
-
Sosial08:42
Azərbaycanda general vəfat etdi
-
Magazin208:00
Şakira açıq-saçıq geyimi ilə heyrətləndirdi - FOTO
-
Yaxın Şərq07:30
"Hizbullah" İsraili artilleriyadan atəşə tutdu
-
Dünya06:46
ÜST-dən siqaretlə bağlı HƏYƏCAN TƏBİLİ: "Gənclərin 57%-i..."
-
Sosial05:15
Anasından asılı olan qızların 5 ƏLAMƏTİ - Sonrakı həyat necə olacaq?
-
Sosial03:13
Özünü qadına görə güllələdiyi deyilən Nəsib Quliyevin övladları və xanımı yasda İŞTİRAK ETMƏDİLƏR
-
Dünya02:12
Qadınlar SİLAHA SARILDILAR: əxlaqsızlığı təşviq edən festival LƏĞV EDİLDİ
-
Magazin100:45
Könül Kərimova estetik əməliyyat etdirdi - FOTO