Davudoğlu Ali Baş qərargah rəisinə xəbərdarlıq etdi

Baş nazir Əhməd Davudoğlu “barış müddəti nədir bilmirik” deyən ali baş qərargah rəisinə “o, indi həmin sözləri deyə bilməz” deyə açıqlama verib.

Publika.az сümhuriyyət.com.tr-yə istinadən xəbər verir ki, baş naziri Əhməd Davudoğlu dünən Dolmabaxçadakı baş nazirlik ofisində ilk dəfə baş nazir kimi jurnalist və media rəhbərləri ilə görüşüb. Davudoğlu kürd problemi ilə bağlı dəqiq məlumatlar verib. Barış müddətində addım atmağın vaxtı gəldiyini vurğulayan Davudoğlu bu açıqlamaları verib.

Publika.az onları ixtisarlarla təqdim edir:

Nəcdət Özəl artıq bilir

“Yol xəritəsi yaddaşımızda möhkəmləndi. Addım-addım gediləcək. Son iki həftə ərzində konkretləşən çox məsələlər var. Bu mənada ordu ilə mülki şəxslər arasında fərq yoxdur. Son bir həftə, on gün ərzində Ali baş qərargah rəisi ilə üç dəfə görüşmüşəm (Ali baş qərargah rəisi avqustun 30-da Çankayada “barış müddəti haqqında məlumatımız yoxdur” demişdi – red.). Ali baş qərargah rəisi indi eyni sözü deyə bilməz. Keçmişdə də Milli Təhlükəsizlik Komitəsində (MGK) bu mövzunu müzakirə etmişik. Orada bu məsələnin içərisində olan hər kəs məlumat sahibi olsun, ictimaiyyətə verdiyimiz açıqlamalar birmənalı olsun deyə bu mexanizmləri qururuq. İki-üç açıqlama olsa, təəccüb doğurar”.

Vüsal Tağı