• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Burkina-Fasoda hərbi çevriliş olub

  • Dünya
  • 31 Oktyabr 2014 17:26
  • 324 Baxış
Burkina-Fasoda hərbi çevriliş olub

Burkina-Fasoda hərbi çevriliş həyata keçirilib.

Publika.az-ın xarici mətbuata istinadən verdiyi məlumata görə, Silahlı Qüvvələrin Baş Qərargahından prezident Blez Kompaorenin daha dövlət başçısının funksiyalarını icra etmədiyi açıqlaması verilib.

Burkina-Fasonun paytaxtı Uaqaduquda kütləvi nümayişlər oktyabrın 28-də başlayıb. On minlərlə insan Kompaorenin prezident müddətinin uzadılmasına qarşı etiraz edir. Toqquşmalarda 30-a qədər insanın öldüyü xəbər verilir.

Blez Kompaore dünən hökumətin buraxıldığını elan etmişdi. Dövlət başçısı həmçinin ölkədə kütləvi nümayişlər keçirildiyi üçün fövqəladə vəziyyət tətbiq etmişdi.

B.Kompaore vətəndaşları nümayişləri dayandırmağa və dialoqa başlamağa çağırıb: “Mən dəyişikliklərə şərait yaratmaq üçün hökuməti buraxıram. Mən etirazlara son qoymaq üçün siyasi müxalifətin liderlərini dialoqa çağırıram. Böhrana son qoymaq üçün nümayişlərin bütün iştirakçıları ilə danışıqlara başlayacağıma söz verirəm”.

Nümayişçilər dünən həmçinin parlament binasını nəzarət alıb və bütün sənədləri məhv edərək kompüterləri oğurlayıblar. Həmçinin televiziya binasını ələ keçirən etirazçılar yayımı dayandırıblar.

Xatırladaq ki, Kompaore 1987-ci ildə hərbi çevriliş nəticəsində hakimiyyətə gəlib.

Ömər Dağlı

Xəbər lenti

DAHA ÇOX XƏBƏR