Hitlerin sirli tuneli

Avstriyada faşist lideri Hitlerə aid olduğu iddia edilən tunel tapılıb. Tuneli tapan avstriyalı Andreas Sulzerə görə, Hitler bu sirli tuneldə atom bombası araşdırmalarında iştirak edib.

Andreas Sulzer 1885-1958 illər arasında yaşayan bioloq Viktor Schaubergerin həyatından bəhs edən bir film üzərində işləyir. İllərdir bu layihə üzərində çalışan Sulzer bioloq Schaubergerin Hitlerlə də əlaqəsi olduğunu da tapıb.

Sulzer öz iddialarını Schaubergerin o dövrdə dostlarına yazdığı məktublarla əlaqələndirib. Məktublarda Schuaberger dostlarını faşistlərin bu gizli tunellərinə qarşı xəbərdar edib.

İkinci Dünya Müharibəsi faşist Almaniyasının məğlubiyyəti ilə sona çatandan sonra Avstriyanın bu bölgələrini Rusiya işğal edib. Rusların bu gizli tunellərdəki araşdırma maşınlarına əl qoyaraq ölkələrinə transfer etdiyi və tunellərin bir çoxunu havaya uçurduğu iddia edilib.

Almaniyadan geriyə qalan digər tunellər isə 2002-ci ildən bu yana isə Avstriya tikinti şirkəti “BIG” tərəfindən betonla doldurulub.