Dünya

Kiyev ölkənin 3 aeroportuna uçuşları qadağan etdi

13 Dekabr 2014 12:10

Ukraynanın Xarkov, Zaporojye və Dnepropetrovsk şəhərlərinin aeroportlarına uçuşlar qadağan edilib.

Publika.az-ın “unian.net” saytına istinadən verdiyi məlumata görə, bu barədə Ukraynanın Dövlət Aviasiya Xidmətinin başçısı Denis Antonyuk bildirib.

Qadağa dünən gecəyarısından tətbiq edilib. Denis Antonyuk qeyd edib ki, qadağa təhlükəsizlik tədbirləri ilə bağlıdır. Qadağanın müddəti isə müəyyən edilməyib. Qərarın ləğvinə qədər uçuşlar həyata keçirilməyəcək.

Dekabrın 1-dən isə Ukrayna Dövlət Aviasiya Xidməti növbəti xəbərdarlığa qədər 4 Rusiya aviaşirkətinin Xarkov və Dnepropetrovsk şəhərlərinə uçuşları qadağan edib.

Ömər Dağlı