Dünya
“The Times”: “Rusiyanın nüvə hədəsi boş sözlər deyil, amma...”
“Rusiya NATO-nu nüvə zərbəsi təhlükəsi ilə qorxutmağa çalışır. Dünyaya xatırladılır ki, onun nüvə silahı var. Moskva öz niyyətlərini çoxdan bu cür təhlükəli tonda bildirir”.
Publika.az xəbər verir ki, bu barədə ABŞ-ın “The Times” nəşri yazıb.
“Rusiya xəbərdarlıq edir ki, Qərb Ukraynanı silahlandırmağa, ona Krımı qaytarmağa kömək edərsə, həmçinin əgər Rusiya tərəfindən hərbi təcavüz ediləcəyi halda NATO Baltikyanı ölkələri müdafiə edərsə, nüvə silahından istifadə olunacaq. Rusiya kəşfiyyatının veteranları Almaniyada gizli görüş zamanı da ABŞ-dan olan həmkarlarına çatdırdılar ki, bunlar heç də boş sözlər deyil. Həmin görüşdə iştirak edən generallardan ən azı biri Krımın zəbt edilməsində aktiv iştirakını etiraf edirdi, iki zabit isə nüvə strategiyasının hazırlanması üzərində işləyib. Görünür ki, onların fikirləri Kremllə uyğunlaşdırılıb”, - ABŞ nəşrinin məqaləsində deyilir.
Bununla yanaşı, “The Times” nəşri nüvə təhlükəsi qorxusunun əsassız olduğunu düşünür: “Rusiya xəbərdarlıq edir ki, Qərb Ukraynanı silahlandırmağa və ona Krımı qaytarmağa kömək edərsə, nüvə silahından istifadə edəcək. Amma Vaşinqton və ya Brüsselin belə bir planı yoxdur. Ehtimal ki, bu Qərbi qorxutmaq cəhdi idi”.
Nəşr yazır ki, Moskva NATO nizamnaməsinin birgə müdafiəni nəzərdə tutan 5 maddəsinin yerinə yetiriləcəyinə inanmır: “Qərb nə etməlidir? Putinə nümayiş etdirmək lazımdır ki, NATO-nu parçalamaq mümkün deyil. Eyni zamanda, Putinin yerinə gələcək şəxsin daha təhlükəli olacağından da ehtiyatlanmaq lazımdır”.
Ömər Dağlı
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi