Dünya
Kolumbiyada solçu komandir öldürülüb
Kolumbiyada ölkənin ikinci ən böyük partizan qrupu olan Milli Azadlıq Ordusunun (ELN) əsas komandiri öldürülüb.
Publika.az-ın məlumatına görə, bu barədə Kolumbiya Prezidenti xəbər yayıb. Məlumata görə, Marquitos kimi tanınan Jose Amin Hernandez Manrique, Antioxiyanın şimal-qərb əyalətində öldürülüb.
Marquitos Antioxiya və Bolivar əyalətlərində 13 ELN hissəsinə rəhbərlik edib. Bu region silah və narkotik alveri və qanunsuz hasilata görə tanınır.
Kolumbiya prezidenti Juan Manuel Santos şəxsi Twitter hesabında yazıb :
"Dario Martines cəbhəsinin komandiri və ELN-nin milli rəhbərliyinin üzvü Alias Marquitos öldürülüb. Silahlı qüvvələri təbrik edirəm “.
Rəsmilər hesab edir ki, Marquitos 1999-cu ildə göyərtəsində 46 sərnişin olan təyyarənin qaçırılmasına görə məsuliyyət daşıyır.
ELN 1964-cü ildə Kolumbiyanın torpaq və sərvətinin qeyri-bərabər paylanması ilə mübarizə məqsədi ilə yaradılıb. Hazırda bu qruplaşmanın 2000-ə yaxın aktiv döyüşçüsü olduğu hesab edilir.
Ölkənin ən böyük solçu qruplaşması Fark-ın əksinə olaraq, ELN dövlət ilə sülh razılıqlarına razı olmayıb, yalnız ilkin danışıqlar aparıb.
Aprel ayında Reuters agentliyinə danışan ELN başçısı Nicolas Rodríguez Bautista formal sülh razılığının əldə edilməsi üçün danışıqların 80 faiz tamamlandığını deyib.
Marquitosun ölümünün ilkin danışıqlara necə təsir edəcəyi hələlik məlum deyil.
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR