• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

İŞİD söz verdi: İsrail məhv ediləcək - MÜRACİƏT

  • Dünya
  • 1 İyul 2015 17:16
  • 575 Baxış
İŞİD söz verdi: İsrail məhv ediləcək - MÜRACİƏT

“İslam dövləti” (İŞİD) terror qruplaşması İsraili məhv etmək və Qəzzanı tutmaq niyyətindədir.

Publika.az “Reuters” agentliyinə istinadən xəbər verir ki, bu barədə İŞİD-in internetdə yaydığı videomüraciətində deyilir.

“Biz yəhudi dövlətinin kökünü kəsəcəyik, HƏMAS və Fəth təşkilatlarını hakimiyyətdən kənarlaşdıracağıq. Biz regionu “İslam dövləti”nin bir əyalətinə çevirəcəyik. Şəriət qaydaları Qəzzada da tətbiq olunacaq. Biz and içirik ki, bu gün “İslam dövləti”ində baş verənlər Yarmık və Qəzzada da baş verəcək”, - videomüraciətdə qeyd edilir.

Qeyd edək ki, Yarmık Fələstin qaçqınlarının Dəməşq yaxınlığında yerləşən düşərgəsidir.

İŞİD hesab edir ki, “İran və ABŞ-ın köməkçiləri” olan HƏMAS liderləri 8 illik idarəçiliyi dövründə Qəzzada Allahın heç bir fətvasını reallaşdıra bilməyiblər. Videomüraciətdə deyilir ki, yalnız raket atəşləri HƏMAS-ın bəraətinə kömək edə bilməz.

Ömər Dağlı

Xəbər lenti

DAHA ÇOX XƏBƏR