İqtisadi gündəm
Rektor Misir Mərdanovun tapşırığından danışdı
Milli Məclisin deputatı, Azərbaycan Dövlət Bədən Tərbiyəsi və İdman Akademiyasının rektoru Ağacan Əbiyev təhsil naziri Misir Mərdanovun yay imtahan sessiyası zamanı neqativ hallara görə məsuliyyətin rektorların üzərinə düşəcəyinə dair açıqlamasına münasibət bildirib.
Rektor Publika.Az-a deyib ki, rəhbərlik etdiyi ali məktəbdə nazirin göstərişinə qeyd-şərtsiz əməl ediləcək.
Təhsil naziri Misir Mərdanov ali və orta ixtisas təhsili müəssisələrində 2011/2012-ci tədris ilinin yay semestrinin imtahan sessiyasında tələbələrin biliyinin qiymətləndirilməsində şəffaflığı və obyektivliyi təmin etmək, yarana biləcək neqativ halları aradan qaldırmaq məqsədilə əmr imzalayıb. Nazir ali və orta ixtisas təhsili müəssisələrinin rəhbərlərinə imtahan sessiyasının mövcud normativ sənədlər əsasında təşkil olunması və rəhbərlik etdikləri təhsil müəssisələrində imtahan qərargahı və “Qaynar xətt” yaratmaları ilə bağlı tapşırıq verib. Bildirilib ki, baş verə biləcək hər hansı nöqsana görə müəssisə rəhbəri məsuliyyət daşıyacaq.
Ağacan Əbiyev iyunun 1-də rəhbərlik etdiyi Azərbaycan Dövlət Bədən Tərbiyəsi və İdman Akademiyasının Elmi Şurasının iclasını çağırdığını, yay imtahan sessiyasına hazırlıqla bağlı ciddi müzakirələrin aparılacağını bildirib:
“Sabah Elmi Şuranın iclasında açıq şəkildə mövqeyimizi ortaya qoyaraq, fakültə rəhbərlərindən və müəllimlərdən imtahanlar zamanı obyektivliyi təmin etməyi tələb edəcəyik. Nazirin imzaladığı əmr bütün kollektiv arasında yayılacaq və məsələ ilə bağlı onlara xəbərdarlıq olunacaq”.
Azər Niftiyev
Publika.Az
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu