Tovuzda 16 yaşlı qız dönər yeyib reanimasiyaya düşdü - YENİLƏNDİ
Bizi izləyin

Hadisə

Tovuzda 16 yaşlı qız dönər yeyib reanimasiyaya düşdü - YENİLƏNDİ

Faktla bağlı araşdırma aparılır.

Dönərdən zəhərləndiyi deyilən Tovuz rayon Qovlar kənd sakini Gülər Hüseynova artıq evə buraxılıb.

Bu barədə Publika.az-a Tovuz rayon Mərkəzi Xəstəxanasının baş həkimin müavini Mahirə Quliyeva məlumat verib.

M.Quliyeva bildirib ki, ona ilkin yardım göstərilib, vəziyyəti ağır olmadığına görə stasionara yerləşdirilməsinə ehtiyac qalmayıb: “Gülər Hüseynova zəhərlənmə əlamətləri ilə dünən axşam saatlarında xəstəxanaya yerləşdirilib. Ona ilkin yardım göstərilib, vəziyyəti ağır olmadığından xəstəxanada saxlanılmayıb. İlkin məlumatda o, dönərdən zəhərləndiyini deyib. Lakin bayram günləri olduğundan insanlar qidaları qarışdırırlar. Həmin qız da dönərlə yanaşı, evdə kartof yeyib, müxtəlif sərinləşdirici içkilər qəbul edib. Çoxlu qida qəbul etdiyindən onun dönərdən zəhərlənməsini birmənalı şəkildə deyə bilmərik. Bu, sadəcə həmin xanımın iddiasıdır. Ola bilər ki, qəbul etdiyi digər qidalardan zəhərlənsin”.

Gülxar

***

Tovuz rayonunda zəhərlənmə hadisəsi baş verib.

"Report"un məlumatına görə, Tovuz rayon Qovlar kənd sakini, 2001-ci il təvəllüdlü Hüseynova Gülər Faiq qızı yediyi dönərdən zəhərlənib.

O, yaxınları tərəfindən xəstəxanaya aparılıb və G.Hüseynovaya dərhal tibbi yardım göstərilib. Yeniyetmə reanimasiya şöbəsinə yerləşdirilib. Həkimlər onun vəziyyətinin orta-ağır olduğunu bildirib.

Faktla bağlı araşdırma aparılır.

Oxumağa davam et
Reklam
Reklam

Gündəm