• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

“Azəryolservis” piyada keçidindəki yanğınla bağlı məlumat yaydı - FOTOLAR

  • Hadisə
  • 7 Avqust 2015 14:38
  • 406 Baxış
“Azəryolservis” piyada keçidindəki yanğınla bağlı məlumat yaydı - FOTOLAR

Bu gecə Nərimanov rayonu, Ziya Bünyadov prospektinin Azadlıq prospekti ilə Atatürk prospekti arasında olan hissəsində yerləşən yerüstü piyada keçidində yanğın baş verib. Piyada keçidində yanğın baş vermiş avtomobil qəzası zamanı yaranıb.

“Azəryolservis” ASC-nin mətbuat xidmətindən Publika.az-a verilən məlumata görə, sözügedən prospektin əsas yolundan yan yoluna, Atatürk prospektinə doğru keçmək istəyərkən sürücü nəqliyyat vasitəsinə idarəetməni itirərək avtomobilini öncə yol ayrıcında olan səki daşlarına, daha sonra isə yerüstü piyada keçidinin qarşısında yerləşən avtobus dayanacağına və işıq dirəyinə çırpıb. Zərbə nəticəsində avtomobil yanmağa başlayıb. Yanğın qısa müddət ərzində piyada keçidinə də keçib. Əraziyə çağırılan Fövqaladə Hallar Nazirliyinin Yanğından Mühafizə İdarəsinin əməkdaşları hadisəyə tez bir zamanda müdaxilə edərək, alovun qarşısını ala biliblər.

Bədbəxt hadisə zamanı yerüstü piyada keçidinin bir hissəsinin üzlüyü, dam örtüyü və metal konstruksiyaları, həmçinin girişdə olan eskalatorların bir hissəsi yanaraq sıradan çıxıb. Bundan başqa qəza zamanı piyada keçidinin pilləkənlərinin mərmər üzlükləri və səki daşları qırılaraq, yararsız hala düşüb.

Gülnar Əliyeva

Xəbər lenti

DAHA ÇOX XƏBƏR