Oğuzda at 10 yaşlı oğlana hücum etdi - VİDEO

Oğuzda heyvan bazarında bədbəxt hadisə baş verib.

ANS TV-nin məlumatına görə, Oğuz rayonu Tərkeş kənd sakini, 10 yaşlı Qismət Əzizzadə atası ilə birgə bazarda at almaq istəyərkən atın hücumuna məruz qalıb.

Uşağın atası İntiqam Əzizzadənin dediyinə görə, qəfildən kəndiri qıran at uşağı sol çiynindən dişləyib və təpikləyib:

“Uşağı atın ağzından aldım. Daha sonra at arxaya çevrilib sol tərəfdən təpiklə uşağı vurdu. Bir az saxladım, gördüm ki, uşağın rəngi sapsarı saralıb. Təcilli olaraq Oğuz xəstəxanasına çatdırdıq”.

Daha sonra uşağın vəziyyəti ağır olduğundan o, Şəki xəstəxanasına göndərilib.

“Xəstəxanaya daxil olan xəstə əməliyyata götürülüb. Əməliyyat zamanı məlum oldu ki, uşağın dalağı partlayıb. Təcilli olaraq dalağın xaric edilməsi prosesinə başlanılıb”, - deyə həkim Zahid İsmayılov bildirib.

Hazırda xəstəxananın reanimasiya şöbəsində olan Qismət Əzizzadənin vəziyyətinin orta-ağır olduğu bildirilir.

Uşağa hucum edib qaçan atın isə quduz olub-olmaması araşdırılır.