• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Neftçi“nin adı təhrif olundu

  • İdman
  • 16 Yanvar 2014 17:45
  • 1 646 Baxış
Neftçi“nin adı təhrif olundu

Bakının mağazalarında üstündə “Neftçi”nin bayrağı və loqosu əks olunmuş alışqanlar satışa çıxarılıb.

Teleqraf.com-un futbolinfo.az-a istinadən verdiyi məlumata görə, alışqanların üzərində “Neftçi”nin adının yazılışında təhrifə yol verilib.

Belə ki, "Neftçi" sözü “Neftqi” olaraq yazılıb. Hər bir klub reklam xarakterli belə üsullardan yararlandığından, alışqanların da “Neftçi” rəhbərliyi tərəfindən sifariş verildiyini güman etmək olar.

Məsələ ilə bağlı “Neftçi” rəhbərliyinin mövqeyini öyrəndik. Komandanın mətbuat xidmətinin rəhbəri Gündüz Abbaszadə Publika.Az-a verdiyi açıqlamada bildirdi ki, mağazalarda satılan alışqanların “Neftçi”yə heç bir aidiyyatı yoxdu:

"Bu, doğrudan da gülməlidir, bunun “Neftçi”yə heç bir aidiyyatı yoxdur. Hansısa işbazların işidir, “Neftçi”nin adından istifadə edərək, pul qazanmaq istəyirlər. Alışqanlar qeyri-leqal yolla ölkəyə gətirilib. Bundan öncə də ölkəyə “Neftçi”nin adı və loqosu olan alışqanlar gətirilmişdi, amma onda ad düz yazılmışdı. “Neftçi”dən başqa, “Xəzər Lənkəran”ın da adı və loqosu olan alışqanlar ölkəyə gətirilmişdi. Bu alışqanların nə “Neftçi”, nə də “Xəzər Lənkəran”a heç bir dəxli yoxdur”.

Xəbər lenti

DAHA ÇOX XƏBƏR