• USD 1,7020 -0,01% EUR 1,9062 -0,37%
    • GBP 2,1922 -0,80% RUB 0,0300 -0,67%

AFFA “Bakılı”nı çempionatdan qovdu

  • İdman
  • 20 May 2014 15:06
  • 1 433 Baxış
AFFA “Bakılı”nı çempionatdan qovdu

Bu gün AFFA İntizam Komitəsinin növbəti iclası keçirilib.

Publika.az xəbər verir ki, aparılan müzakirələrdən sonra Azərbaycan 1-ci divizionunun sonuncu - 30-cu turunun oyunları ilə bağlı aşağıdakı qərarlar qəbul edilib:

“Turan-T” – “Neftçala” matçının 43-ci dəqiqəsində “Turan-T” klubunun futbolçusu Aqşin Sadiqov idmançıya yaraşmayan hərəkətə görə ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 100 manat cərimə olunub.

“Lokomotiv” – “Şahdağ” matçının 85-ci dəqiqəsində “Lokomotiv”in futbolçusu Kənan Cəfərov azarkeşlərə qarşı qeyri-etik ifadələr işlətdiyinə görə birbaşa qırmızı vərəqə alaraq meydandan kənarlaşdırıldığı üçün 3 oyunluq cəzalanıb, klubu 200 manat cərimə olunub.

“Karvan” – MOİK matçının 25-ci dəqiqəsində MOİK-in futbolçusu Elnur Hüseynov sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb, klubu 20 manat cərimə olunub.

“Kəpəz” – “Bakılı” matçında “Bakılı” iştirak etmədiyi üçün kluba 0:3 hesablı texniki məğlubiyyət verilib. Klub ikinci dəfə üzürlü səbəb olmadan oyunlarda iştirak etmədiyi üçün növbəti mövsüm Azərbaycan 1-ci divizionunda çıxış etmək hüququndan məhrum edilib.

Загрузка...

Xəbər lenti

DAHA ÇOX XƏBƏR