İdman

Mourinyonu arvadı yoldan çıxarıbmış

10 İyun 2014 14:48

“Çelsi”nin baş məşqçisi Joze Mourinyo maraqlı etirafda bulunub.

Publika.az xəbər verir ki, Joze 2007-ci ildə İngiltərə millisinin sükanı arxasına keçə bilərmiş. Anca onu arvadı fikrindən döndərib:

“2007-ci ildə Stiv Maklarenin istefasından sonra İngiltərə millisini çalışdırmağa çox yaxın idim. Ancaq həyat yoldaşım buna razı olmadı. Matilda məni vadar etdi ki, bu təklifdən imtina edim. Sonradan onun düzgün qərar verdiyinə əmin oldum. O, mənə dedi ki, sən 2 il hansısa böyük turniri gözləyə bilməzsən. Mənim haqqım yox idi ki, Qazaxıstan, San-Marino kimi komandalara qarşı vaxtımı sərf edim.

Lempard, Terri, Koul məni israrla İngiltərə millisinə çağırırdı. Bütün bunlar 7 il əvvəl olub. İndi də əminəm ki, o post mənim işim deyildi. Hətta 7 ildən sonra da olmayacaq. Ola bilsin ki, 15 ildən sonra”.