İdman
Dünya futbolunun əfsanəsi öldü
“Real”ın əfsanəvi futbolçusu və fəxri prezidenti Alfredo Di Stefano vəfat edib.
Publika.az xəbər verir ki, əfsanəvi futbolçu 88 yaşında dünyasını dəyişib.
Di Stefano infarkt keçirdiyindən xəstəxanaya yerləşdirilmişdi. Lakin həkimlər onu 45 saat həyatda saxlaya bilib. Qreqorio Maranon Xəstəxanası xəbəri təsdiqləyib.
Di Stefano futbola 17 yaşında Argentinanın "River Pleyt" klubunda başlayıb. Bu komanda ilə 6 dəfə çempion olan Alfredo 1949-cu ildə Argentinadakı futbolçuların boykotundan sonra Kolumbiyanın "Millionarios" klubuna yollanıb. Bu komandada o, 3 dəfə Kolumbiya çempionluğunu və 1 dəfə ölkə kubokunu qazanıb.
1953-cü ildə "Real" və "Barselona"nın maraq dairəsinə düşən futbolçu Avropaya gəlib. "Barselona" transferi bitirmək üzrə olduğu bir vaxtda Santyaqo Bernabeu Yeste onu "Real"a apara bilib. 1953-1964-cü illərdə "Kral Klubu"nun formasını geyinib. 8 dəfə La Liqanın, 1 dəfə "Kral Kuboku"nun, 5 dəfə Çempionlar Liqasının və 1 dəfə qitələrarası kubokun qalibi olub. 11 ildə "Real" forması isə 308 qola imza atan Di Stefano 58 avrokubok matçında 49 qol vurub. Onun bu rekordunu 2005-ci ildə "Real"ın başqa bir əfsanəsi Raul qırıb.
1957 və 1959-cu illərdə Avropada "İlin futbolçusu" seçilən Alfredo 6 dəfə Argentina, 4 dəfə Kolumbiya yığmasının formasını geyindikdən sonra İspaniya millisinə üz tutub. O, bu komandanın heyətində 31 oyuna çıxıb və 23 qol vurub. 1966-cı ildə - 40 yaşında "Espanyol"da karyerasına son qoyub.
Baş məşqçi kimi ilk dəfə "Elçe"ni çalışdıran Di Stefano 1982-1984 və 1990-1991-ci illərdə "Real"a başçılıq edib. O, həmçinin Argentinanın "Boka Xuniors", İspaniyanın "Valensiya", "Rayo Vallekano", "Kastellon" və Portuqaliyanın "Sportinq" klublarını çalışdırıb.
2000-ci ildə Florentino Peres Di Stefanonu "Real"ın fəxri prezidenti elan etmişdi.
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu