• USD 1,8559 +1,34% EUR 1,9957 +1,49%
    • GBP 2,3210 +2,08% RUB 0,0312 +1,60%

Jurnalistlər mətbuat günündə velosiped sürəcəklər

  • İdman
  • 16 İyul 2014 13:59
  • 444 Baxış
Jurnalistlər mətbuat günündə velosiped sürəcəklər

22 iyul - Milli Mətbuat günü münasibətilə Azərbaycan Velosiped İdmanı Federasiyası jurnalistlər arasında "Media Kuboku" adı altında velosiped yarışı təşkil edəcək.

Publika.az xəbər verir ki, iyulun 23-ü, səhər saat 10:00-da Veloparkda start götürəcək yürüşdə təkcə idman jurnalistləri deyil, həmçinin digər sahələrdən yazan müxbirlər, eləcə də fotoqraf və videooperatorlar da iştirak edə bilər.

Qeydiyyat iyulun 23-ü, səhər saat 09:00-da Veloparkda başlanacaq. Velosipedi və baş geyimi olmayan iştirakçılar müvafiq ləvazimatlarla təmin olunacaq. Yarışda ilk 3 yeri tutmuş iştirakçılar AzVİF tərəfindən qiymətli hədiyyələrlə təltif ediləcək.

"Media Kuboku"nda iştirak etmək istəyən mətbuat nümayəndələrindən xahiş olunur ki, iyulun 22-dək şəxsiyyət və iş vəsiqələrinin surətini, həmçinin əlaqə nömrələrini parvizmusayev@yahoo.com ünvanına göndərsinlər. Maraqlananlar (012) 5667488 nömrəli telefona zəng edərək mətbuat xidməti ilə əlaqə saxlaya bilər.

Xəbər lenti

DAHA ÇOX XƏBƏR