Ekopublika.az

İdxal və ixracın həcmi azalıb

29 Sentyabr 2014 18:43

Cari ilin səkkiz ayında ötən ilin müvafiq dövrü ilə müqayisədə ölkəyə ət, yağ idxalı artıb. Əvəzində süd, meyvə-tərəvəz, buğda idxalı azalıb.

Publika.az Dövlət Gömrük Komitəsinə istinadən bildirir ki, maşın, mexanizm, elektrik aparatları, avadanlıqlar və onların hissələrinin idxalı ilin ilk 8 ayının ümumi idxalına nisbətən 29 faiz azalıb. İxraca gəlincə, meyvə-tərəvəz, kimya sənayesi məhsullarının ixracı artıb. Əvəzində təbii qaz ixracı ötən ilin eyni dövrü ilə müqayisədə azalıb.

Rəqəmlər göstərir ki, ilin 8 ayında ötən ilin eyni dövrü ilə müqayisədə ixracın ümumi həcmi azalıb. Belə ki, 2013-cü ilin səkkiz ayında bu rəqəm 15,954,650.8 min dollar idisə, cari ildə 15,351,017.66 min dollar olub.

İdxala gəlincə, idxalda da azalma var. 2013-cü ilin müvafiq dövründə 7,131,943.11 min dollar olubsa, bu ilin avqustunda 5,613,565.77 min dollar təşkil edib.

İqtisadiyyat şöbəsi