Ekopublika.az

Nazir: Sığorta bazarında sağlam olmayan şirkət var

9 Dekabr 2014 21:35

Son 4-5 ildə sığorta sahəsində xeyli müsbət dəyişikliklər müşahidə edilib.

Publika.az-ın məlumatına görə, bunu maliyyə naziri Samir Şərifov Bakıda “Caspian European Club” çərçivəsində keçirilən biznes-forumda deyib. Onun sözlərinə görə, vəziyyətin yaxşılaşmasına dövlət tərəfindən həyata keçirilən siyasət münbit şərait yaradıb.

Nazir qeyd edib ki, son illər həm sığorta bazarının həcmi xeyli artıb, həm də sığorta sektorunun konsalidasiyası baş verib. Nəticədə bir çox fəaliyyət göstərməyən və riskli əməliyyatlarla məşğul olan şirkətlər bazardan uzaqlaşdırılıb: “Dövlət Sığorta Nəzarəti Xidməti tərəfindən həmin şirkətlərin lisenziyası ləğv edilib. Nəticədə bu gün 4-5 istisna olmaqla bazarda sağlam şirkətlər fəaliyyət göstərir”.