Nida.az
“Şimali azərbaycanlılar Güney Azərbaycan təşkilatlarının dağılmasına səbəb olacaq”
Bu ilin martın 15-də Danimarkanın Kopenhagen şəhərində mühacirətdə olan Güney Azərbaycan təşkilatları bir araya gələrək Güney Azərbaycan Parlamenti yaratmaq haqqında qərar qəbul ediblər. Lakin dünyanın müxtəlif yerlərində yaşayan güneyli soydaşlarımız bunu birmənalı qarşılamır. Publika.Az mühacirətdə yaşayan güneyli siyasi fəal İşıq Sönməzin bu məsələlərlə bağlı birlik.se saytına müsahibəsini ixtisarla təqdim edir.
- Bu gün siyasi təşkilatların fəaliyyəti qeyri-demokratik cəmiyyətlərdə necədir və nə ilə fərqlənir?
- Demokratik cəmiyyətlərdən fərqli olaraq qeyri-demokratik cəmiyyətlərdə siyasi mövqe tutma məsələsində bir çox siyasi partiyalar, dərnəklər ortaqlıq edə bilməzlər. Xalqın azad səsverməsi ilə hansısa bir partiya, yaxud şəxs qalib gələ bilər. qalib gəlmiş şəxs digər siyasi və ictimai təşkilatların ortaqlığına, yəni hakimiyyətin təşkilində, ölkənin idarə olunmasında onlara imkan vermirsə, bu, diktatorluğa və cəmiyyətin siyasi baxımdan geri qalmasına yol açır. Qeyri-demokratik quruluşlar sərhəd tanımaz. Belə qeyri-demokratik hakimiyyətlərə misal kimi kommunist-Rusiya, Çin, nasional-sosialist-Hitler Almaniyası, yaxud da din donuna bürünmüş hakimiyyətləri göstərmək olar. Deməli siyasi partiyaların təmsilçiliyi ilə xalq hakimiyyəti olan demokratik nizamdan artıq demokratik ola bilməz.
Farslığı əsas götürmüş İran islam Resıpublikası da bu deyilənlər
baxımından tarix yazıb. Bildiyimiz kimi, İranda “İslam
hakimiyyəti”- bəli, yoxsa xeyr” səsverməsi ilə “farslıq
hakimiyyəti” yaradılıb.
“Dünya ictimaiyyəti Güney Azərbaycan Parlamentini tanımaz”
- Mühacirətdə yaradılan Güney Azərbaycan Parlamenti haqda nə deyə bilərsiniz?
-Hakimiyyət və dövlətçiliyi bir ağac hesab etsək, parlament da
bu ağacın əsas qollarından biri sayılır. Buna görə də Güney
Azərbaycan Parlamenti ifadəsi ortaya qoyularkən Güney Azərbaycan
Dövlətçilik məsələsi ortaya çıxır. Güney Azərbaycan torpaqları bu
gün fars istismarçılığına məruz qalıb. Orda Azərbaycan dili və
mədəniyyəti əsasında hakimiyyət qurmaq imkanı yoxdur. Eləcə də
oradakı türk xalqının bu təşkilata seçimlər aparmasına, onların
xaricə gəlməsinə imkan verilmir. Buna görə də dünya ictimaiyyəti bu
qurumu xalq iradəsi olmadığı üçün hüquqi baxımdan qanunverici orqan
kimi tanımaz. Ən yaxşı halda bu qurum xaricdə Güney Azərbaycanın
siyasi təşkilatları və şəxslərindən təşkil olunmuş siyasi qurum
sayılacaq. Bu qurum tarixdəki siyasi təşkilatlar kateqoriyasından
“Cəbhə”, “Milli Şura”, yoxsa “Milli Qurultay” sayılmalıdır. Vaxtilə
Milli Şura Azərbaycan adına kiçik siyasi qruplar tərəfindən
yaradılıb, lakin Milli Şura adı bu gün dondurulduğu üçün bəlkə də
çarəsizlik üzündən bir-biri ilə dil tapa bilməyən Güney Azərbaycan
təşkilat məsulları bu ada sığınmalı olublar. Beləliklə Güney
Azərbaycan Mühacir Parlamenti 2014-cü ilin 15 martında ortaya
çıxıb. Bunun necə bir təşkilat olub-olmadığı isə hələlik bəlli
deyil. Məlumatlara görə bu ilin mayında Güney Azərbaycanın siyasi
təşkilatları bir araya gələrək bu qurumu rəsmən yaradacaqlar. Lakin
buna baxmayaraq, keçmişdə Milli Qurultay adı yerinə Dünya
Azərbaycanlıları Konqresi və Güney Azərbaycanlılar Konqresi
deyildiyi üçün yeni qurulan bu təşkilatın adı Güney Azərbaycan
Mühacirlər Qurultayı olsa daha düzgün olardı.
-Parlament konkret olaraq hansı məsələləri həll etmək üçün
lazımdır?
- Dediyim kimi, buna Güney Azərbaycan Mühacirlər Qurultayı adı
verilməlidir və hansısa səhv, yaxud mənəm-mənəmlik üzündən
qanadlara bölünərsə Güney Azərbaycan parlamenti anlayışı belə
hallardan uzaq olmalıdır. Bu qurum- Güney Azərbaycan Mühacirlər
Qurultayı deyək- lazımi zamanlarda Güney Azərbaycan türklərinin
siyasi təşkilatlarının nümayəndəsi olaraq Güney Azərbaycan milli və
siyasi məsələlərinə dair yetkili və təmsilçi kimi çıxış
etməlidir.
“Parlament adının bu yeni təşkilata
verilməsini doğru hesab etmirəm”
-Kopenhagendə baş tutmuş bu təşəbbüslə bağlı son günlər
tənqidi fikirlər səsləndirilir. Sizin yanaşmanız
necədir?
- Bu tənqidlər baş verə biləcək yanlışların qarşısı almağa
hesablanırsa, siyasi təşkilat özünü buna açıq tutmalı və normalı
qəbul etməlidir. Buna baxmayaraq, “Azəriha” adlı paniranist və
faşist qruplara bağlı axınlar da Güney Azərbaycan milli fəallarının
bir araya gəlməsində narahatlıq keçirirlər. Onlar təxribat
xarakterli yazılar yazaraq Azərbaycan milli hərəkatını şantaj
etməklə məşğuldur. Bunu başa düşmək çətin deyil.
-Bunun Vətəndən kənarda yaradılması seçki məsələsini
çətinə salır və qarşı tərəflər “parlamenti millət seçər”
fikirlərini irəli sürəcək. Bununla bağlı nə deyə
bilərsiniz?
- Parlament adı olduqca böyükdür. Güney Azərbaycan təşkilatları da
gəncdirlər və bir-birinə inam məsələsində çətinliklər var. Həmçinin
bunun üçün böyük miqdarda maliyyə lazımdır. Buna görə də parlament
adını bu yeni təşkilata verilməsini doğru hesab etmirəm.
“Bu bəyanatın da ilk olaraq Quzey Azərbaycan
mediasında yayılması xoş qarşılanmamalıdır”
- Xaricdə fəaliyyət göstərənlərin bu məsləhətləşmələrdə
iştirak etməməsi də əsas tənqidlərdən biridir. Bu müzakirələrin
məhdud insanların iştirakı ilə keçirilməsi nə dərəcədə
doğrudur?
-Məncə orda iştirak edən siyasi təşkilatlar daha çox barışıq üçün
bir araya gəlmişdilər. Bir qoltuqda iki qarpız tutmaq imkansız
olduğu kimi təşkilatların da tələsik barışığa getməsi və Güney
Azərbaycan Mühacir parlamenti yaratdıq deyə bəyanat vermələri, bu
bəyanatın da ilk olaraq Güney Azərbaycan mühacir mətbuatında deyil,
Quzey Azərbaycan mediasında yayılması xoş qarşılanmamalıdır.
Bəyanatdan oxuyuruq: “...15 Mart 2014-cü ildə Danimarkanin paytaxti
Kopenhaqen şəhərində toplaşan Güney Azərbaycan siyasi muhacirləri
Güney Azərbaycan Müvəqqəti Mühacir Parlamentinin yaradılmasını elan
edir və Güney Azərbaycan dövlətinin hüquqi statusunu müəyyən
edilməsi məsuliyyətini də Mühacir Parlamenti öz üzərinə
götürür”.
Bəyanatda olduğu kimi “biz Parlament yaratmışıq” deyə çıxış
etmək, altından imza qoymaq, sonra “biz yalnız təşəbbüs və hazıqlıq
qrupuyuq” demək Güney Azərbaycan ictimaiyyətini aldatmaq və bəlkə
də özləri bilmədən milli hərəkat arasında etimadsızlıq mühiti
yaratmaq kimidir. İmzalarının boyası qurumadan dediklərini inkar
edənlər keçmişdə xaricdəki Güney Azərbaycan təşkilatları arasında
məşhur olan dərəbəylik dfavranışlarının Azərbaycan Milli Hərəkatına
bir daha daşımaq istəyirlər ki, bu da bağışlanmazdır.
-Şimali azərbaycanlıların parlamentin qurulmasına rol
alması mənfi, yoxsa müsbət təsir göstərə bilər?
- Azərbaycan türkləri bir millət sayılmalarına baxmayaraq Rusiya və
İran arasında tarixi savaşlar istər hüquqi, istərsə də dfaktiki
olaraq Azəırbaycan türklərini bölünmüş bir millət edib. Bu ikiyə
bölünmüş millətin övladları fərqli siyasi hakimiyyətlərə tabe
olduqları üçün fərqli zamanlarda fərqli hərəkətlər etməyi özlərinə
daha uyğun bilirlər. Hesab edirəm ki, Quzey azərbaycanlıların Güney
Azərbaycan Parlamentində təmsil olunmaq istəyi Quzey Azərbaycanda
iqtidar və müxalifət arasındakı anlaşılmazlığı, qarşıdurmanı bura
da gətirəcək və bu da Güney Azərbaycan təşkilatlarının dağılmasına
səbəb olacaq şərait yaracaq. Keçmişdə DAK adlı təşkilatda baş verən
xoşagəlməz olaylar buna misaldır.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR