Nida.az

Meyxanaçıdan Suriyada döyüşən azərbaycanlılarılar barədə AÇIQLAMA

22 Yanvar 2014 12:43

Məşhur meyxanaçı və dini mahnıların ifaçısı olan Aqşin Fateh son vaxtlar cihad edib Suriyada döyüşməyə gedən azərbaycanlıların bu hərəkətini pisiləyib.

Meyxanaçı A.Fateh Publika.Az-a açıqlamasında deyib: “Öz torpağı erməni əsarəti altında olan, qardaşları şəhid olan, ata və analarının qəbirləri erməni tapdağı altında qalan, ana və bacısı əsir düşən adamın gedib Suriyada və digər yad bir ölkədə gedən və bilinməyən müharibədə iştirak etməsi mənasızdır. Bu, məntiqi baxımdan da doğru deyil. Bu bilirsiniz nəyə bənzəyir? Elə bil bir kişi öz evində namusunu çəkmək əvəzinə gedib başqasının namusunu çəkir. Əgər sən belə yaxşı oğlansansa, cihad edib belinə bomba bağlayansasa, o zaman Mübariz İbrahimov kimi gedib ermənilərin içərisinə girib oranı partlat. Yoxsa, sənin Vətənin olmayan bir yerdə döyüşmək ağılsızlıqdır”.

Vasif Həsənli