Nida.az
Ermənistan Avrasiya İttifaqına Qarabağla gedir: Sərkisyan yalan danışır?
Ermənistan Avrasiya İttifaqına rəsmi olaraq daxil olmaq
ərəfəsindədir. Rusiya prezidenti Vladimir Putinin qərarından sonra
oktyabrın 10-da Moskvanın iki partnyoru Qazaxıstan və Belarus bunu
dəstəkləməlidir.
Gözlənildiyi kimi, Ermənistanın ittifaqa üzvlüyü gələn ayın
sonlarına rəsmiləşəcək. Lakin hələ də Rusiyanın müttəfiqləri
Yerevanın bura daxil olmasına qətiyyət göstərmirlər. Bu bir
tərəfdən mövcud intriqanı saxlayır, digər tərəfdən Ermənistan
daxilində müxalifəti yetişdirir.
Publika.az xəbər verir ki, Yerevan ittifaqa daxil olmağına maneə
yaradan Qarabağ məsələsini həll etdiyini açıqlayır. Belə ki,
Ermənistan ittifaqa Qarabağsız gedəcək. Hansı ki, Avrasiya
İttifaqının təsis olunduğu ilk yüksək səviyyəli toplantısında
Qazaxıstan prezidenti Nursultan Nazarbayev Ermənistanın qarşısında
Qarabağ problemini qaldırdı. Nazarbayev bildirdi ki, Yerevan
ittifaqa daxil olacağı təqdirdə hansı sərhədlərlə təmsil olunacaq.
Çünki beynəlxalq statusu məlum olmayan Azərbaycanın işğal olunmuş
torpaqları BMT tərəfindən Ermənistanın ərazisi kimi tanınmır.
Daha sonra Azərbaycan Prezidenti İlham Əliyevin də məktubunu
təsisçilərin diqqətinə çatdırdı və bununla Ermənistanın ittifaqa
daxil olması müvəqqəti təxirə salındı.
Bu zaman Moskva dövriyyə girdi və Ermənistanın Qarabağsız daxil
olması məsələsi irəli sürüldü. Rusiyanın xarici işlər naziri Sergey
Lavrov da Bakı səfəri zamanı bunu dilə gətirdi. Nəhayət, Yerevan da
bildirdi ki, o, Qarabağsız daxil olacaq.
Sabiq dövlət müşaviri Vəfa Quluzadə Publika.az-a açıqlamasında
bildirib ki, Ermənistanın çıxış yolu yox idi: “Qarabağsız daxil
olmalı idi. Əks təqdirdə, vəziyyəti pis olacaqdı. Qarabağla birgə
ittifaqa daxil olmaq istəyinin də qarşısı alındı. Prezident İlham
Əliyev Astana sammitinə göndərdiyi məktubla Yerevanın qarşısına
fakt qoydu”.
Politoloq qeyd edib ki, bundan əvvəl də Nursultan Nazarbayev bu
məsələni qaldırmışdı: “Bildirmişdi ki, Ermənistan Azərbaycanın
Dağlıq Qarabağ və 7 rayonunu işğal edib, gərək konkret sərhədlərini
göstərsin. Lakin bunun həlli Rusiyadan asılıdır. Rusiya çalışır ki,
Ermənistanı ittifaqa Qarabağsız qəbul etsin. Bu da İrəvanın xətrinə
dəyəcək”.
Rusiya mediası isə Yerevandakı mənbələrə istinadən maraqlı bir
məlumat yayıb. Belə ki, məlumata görə, Ermənistan ittifaqa
Qarabağsız daxil olsa da, tətbiq olunacaq gömrük güzəştlərini
Qarabağdakı məhsullara da aid edəcək.
“Ermənistan Avrasiya ittifaqına daxil olanda məhsulların idxalı və ixracı zamanı tətbiq edilən gömrük güzəştləri Dağlıq Qarabağ ərazisində şamil edilmir. Buna görə də bu bölgəyə sərt nəzarətin edilməsi lazımdır. Sonuncu yüksək səviyyəli görüşdə Qazaxıstan prezidenti də bunu qaldırdı. Bu, erməni rəhbərliyi üçün olduqca narahatedici məqamdır. Yerevan məcbur olaraq buna münasibət bildirdi və qeyd etdi ki, Dağlıq Qarabağ özünü müstəqil elan edib və heç kəs tərəfindən tanınmır. Ermənistan da ittifaqa Qarabağsız daxil olacaq. Lakin məlumatlara görə, Ermənistan müttəfiqlərini aldadır. Yerevan Qarabağ məhsullarını, xüsusilə meyvə-tərəvəzi Ermənistan vasitəsilə güzəştli gömrük şərtləri altında satmaq niyyətindədir”, - deyə rus mediası bildirib.
Asif Nərimanlı
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu