Nida.az
Rəfael Hüseynov: “AŞPA sessiyasında Ermənistana qarşı konkret addımlar atılacaq”
“AŞPA-nın payız sessiyasının gündəliyinə Dağlıq Qarabağla bağlı xüsusi məsələ salınmayıb. Lakin qurumun Nazirlər Kabinetinə sədrliyi Azərbaycan aparacaq və Qarabağ problemini daim gündəmdə saxlamağa çalışacağıq”.
Bu barədə Avropa Şurası Parlament Assambleyasında Azərbaycan nümayəndə heyətinin üzvü Rəfael Hüseynov Publika.az-a açıqlamasında deyib.
Onun sözlərinə görə, Nazirlər Kabinetinin fəaliyyətdə olan sədri Elmar Məmmədyarov xüsusi hesabat məruzəsi ilə çıxış edəcək: “Bu, Avropa Şurası Nazirlər Kabinetinin hesabatıdır. Təbii ki, bundan əvvəlki sədrlər həmişə Ermənistanın Azərbaycana təcavüzü, Dağlıq Qarabağ məsələsinə toxunduğu kimi, Elmar Məmmədyoravun hesabat məruzəsində bir bənd Qarabağla bağlı olacaq. Sonra azərbaycanlı nazir müxtəlif sualları cavablandıracaq”.
R. Hüseynov qeyd edib ki, hər sessiyada Azərbaycan nümayəndə heyəti ölkəmizin maraqlarını əks etdirən müxtəlif sənədlər hazırlayır.
“Təbii ki, bu sessiyada da belə sənədlər olacaq. Onu da xüsusi
qeyd edim ki, AŞPA-nın son büro iclasında Azərbaycan nümayəndə
heyətinin təklif etdiyi bir sıra sənədlər təsdiq olunub. Bu
sənədlər Ermənistanın törətdiyi cinayət əməlləri, Avropa Şurasının
qanunlarına tabe olmamaları, təcavüzü davam etdirməsi, son dövrlər
atəşkəsi sistemli şəkildə pozması, dinc sakinləri həlak etməsi ilə
bağlıdır. Bu sənədlər büroda təsdiq olundu. Hesab edirəm ki,
AŞPA-nın bu sessiyası ərzində Ermənistana qarşı növbəti konkret
addımlar atılacaq”, - deyə nümayəndə heyətinin üzvü vurğulayıb.
R. Hüseynov əlavə edib ki, sessiyada Bakıda keçirilən tədbirlər
haqqında da məlumat veriləcək: “Bakıda dinlər və mədəniyyətlərarası
əlaqələrlə bağlı Avropa Şurası Nazirlər Kabinetinin böyük tədbiri
keçirildi. Həmin təbirdə mən Nazirlər Kabineti adından məruzə ilə
çıxış etdim. Bu, böyük tədbir idi və bura dünyanın müxtəlif
dinlərini təmsil edən böyük din xadimləri gəlmişdi. Sessiyada
işlərimizdən biri də mədəniyyət, elm və təhsil komissiyasında bu
tədbirlər haqda geniş məlumat vermək olacaq”.
Asif Nərimanlı
-
Ekologiya02:00
Güclü maqnit qasırğası başladı - Nələr olacaq?
-
İdman01:10
Mbappe gedəcəyini elan etdi - Bu oyunda vida mərasimi olacaq
-
Qoroskop00:43
Günün qoroskopu: planlar pozulacaq - Bunları edin!
-
İdman10 May 23:46
Lalə Kramarenko: Azərbaycanın təklifini qəbul etmək xəyanət olar
-
Sosial10 May 23:34
Dünya rekordçusu olan laçınlı nənə Heydər Əliyevlə bağlı xatirələrini bölüşdü - VİDEO
-
Ekologiya10 May 23:10
Günəşdə 25 ilin ən güclü partlayışı baş verdi
-
Art10 May 22:21
Murad Muradov süni nəfəs aparatına qoşulub - YENİLƏNDİ
-
Elm və təhsil10 May 22:00
Abituriyentlərin NƏZƏRİNƏ: nəticələr elan olundu