Nida.az
“Əli Kərimlidən yazsan, səni öldürərik” – mülkü sökülən iş adamından şok iddialar
“Əli Kərimli məni martın 3-də mülküm partlayanda aldatdı. Mən Türkiyədən gələnə qədər öz əşyalarını yığıb getdi, ona təhvil verdiyim əşyalarsa qaldı. İndi o əşyaları tapa bilmirəm”.
Mülkünü AXCP-yə icarə verən, bu ilin mart ayında partlayışdan sonra mülkü sökülən iş adamı Azər Əsgərov Publika.az-a açıqlamasında Əli Kərimliyə qarşı şok ittihamlar irəli sürüb.
“Əli Kərimlidən yazsan, səni öldürərik”
A. Əsgərov Əli Kərimlinin onu aldatdığını, mülkü söküləndən sonra
onu müdafiə etmədiyini bildirib: “Mən sosial şəbəkələrdə bu haqda
yazanda onun adamları üstümə tökülür, məni təhqir edirlər. İndiyə
qədər məni bir dəfə də müdafiə etmədi. Bir dəfə “Azərbaycan saatı”
verilişində danışdı. O da “Bu, AXCP-yə qarşı bir terrordur”
formasında deyərək daha çox öz imicinə işlədi. Bir dəfə də keçən
ayın 12-də keçirdikləri mitinqdə dilə gətirdi. Bundan başqa heç nə
deməyib. Onunla əlaqə saxlaya bilmirəm, əlçatmaz olub. Onun müavini
Gözəl Bayramlı ilə əlaqə saxlayırdıq. Son dörd ayda o da yoxa
çıxıb. Məni müdafiə etmək əvəzinə, “facebook”da təhqir edirlər.
Həyat yoldaşım onun haqqında yazandan sonra cəbhəçilər başlayıb
söyüş söyməyə. Sonra Kəmalə xanım həyat yoldaşımla əlaqə saxlayaraq
belə yazmamasını xahiş edib. Həmin danışıqdan dərhal sonra bütün
söyüşlər yığışdırıldı. Deməli, onlar bir mərkəzdən idarə olunur və
bu söyüşlərdən Əli Kərimlinin də xəbəri var. Mənə “Əli Kərimlidən
yazsan, səni öldürərik, döyərik” kimi sözlər yazırlar. Məni təhdid
edirlər”.
“Tənqid etdiyim nazirlər Əli Kərimlinin mənə etdiklərini
etməyib”
İş adamı cəbhəçilərin onu satqın adlandırdığını bildirib: “Mən heç
nə istəmirəm, sadəcə, haqqımı istəyirəm. Mən Əli Kərimlidən
soruşuram, sən bu günə qədər mənim mülkümlə bağlı nə etmisən? Hansı
beynəlxalq təşkilata, yaxud dövlət qurumuna müraciət etmisən? Mən
öz mülkümü sənə təhvil verib getmişəm. Martın 3-də partlayış olub.
Mən martın 4-də günün ikinci yarısı gəlib çatmışam. Onlar özlərinə
aid əşyaların hamısını aparmışdı, mənim mülkdə saxladığım, onlara
təhvil verdiyim əşyalarımın heç birinə dəyməmişdilər. Sonra da onu
istintaq üçün götürdülər. Əli Kərimli, sən partiya rəhbərisən.
Partlayış günündən bu günə qədər 9 ay müddətində bir dəfə də ora
ayaq basmamısan. Həmin vaxt AXCP-nin rayon təşkilatları mülkün
sökülməməsinə qarşı etiraz etmək üçün toplaşıb gəlmək istəyirdilər.
Amma Əli Kərimli zəng vurub hamısını geri qaytardı. Burdan belə
çıxır ki, mənə təklif olunan pulu o alıb. Əvəzində bu gün məni
təhqir etdirir. Mən bu 9 ayda bir çox naziri tənqid etmişəm.
Onların heç biri mənə qarşı Əli Kərimlinin etdiyini etməyib. Əli
Kərimli məni ancaq aldatmaqla məşğul olub. Bu günə qədər bir dəfə
də olsun mülklə bağlı beynəlxalq təşkilatlara müraciət etməyib. Mən
mülkimi ona vermişdim, o da cavabdeh olmalı idi. Amma partladı,
sökdülər, o isə öz əşyalarını yığıb qaçdı. Mənim əşyalarımın heç
birini çıxartmadılar. Çünki pul alıb durub kənarda. İndi mən
beynəlxalq təşkilatlara müraciət edirəm, o isə susur. Belə olanda
mən yalançı vəziyyətinə düşürəm. Məni 11 dövlətin səfirliyi ilə
görüşdürəcəklərini deyirdilər. Amma etmədilər. Onların da məhkəməyə
müraciət etdiyini demişdilər. Mən “gəlin məhkəmə
işlərini birləşdirək” dedim, səs çıxmadı. Axı yalan danışırlar. Heç
nə etməyiblər, pullarını alıb oturublar. Öz ətrafına yığdığı
zombiləri üstümə salıb”.
“Hakimiyyətə gəlsən/, pul aldığın təşkilatların sözü ilə
oturub-duracaqsan. Səndən nə prezident olacaq?”
A. Əsgərov Əli Kərimlini xarici fondlardan pullar almaqda ittiham
edib.
“Sən o boyda partiyanı hansı pulla saxlayırsan? Elçibəyin vaxtında
cəmi 11 ay onun köməkçisi olub. 11 ayda yığdıqlarını 21 ildə yeyib
qurtara bilmir. Mətbuatda qohumlarının 8 milyondan çox pulu
banklardan çıxartdığı xəbəri yayılmışdı. Görünür, yazılanların
hamısı doğrudur. Mənə satqın deyirlər. Mən cəbhəçi deyiləm satılam.
Mən öz hüququmu tələb edirəm. Əsl satqın sənsən. Xaricdən aldığın
pulların sayı-hesabı yoxdur. Sən sabah hakimiyyətə gəlsən, pul
aldığın təşkilatların sözü ilə oturub duracaqsan. Səndən nə
prezident olacaq? O qədər işçin, mühafizəçilərin var. Onlara aylıq
maaşı hansı pulla verirsən? Bir də maaş verdiyin adamların sosial
müdafiə pullarını ödəmirsən. Bu haqda məndə məlumat var. Vergidən
yayınırsan. Hakimiyyəti ittiham edirsən. Bəs sən Londondakı villanı
hansı pulla almısan? Əli Kərimlinin Bakının hər nöqtəsində mülkləri
var. Mən araşdırmışam, bu haqda dəqiq məlumatlara sahibəm. Hər kəs
bilir ki, o, vaxtilə Bakıdan köçən ermənilərin, digər kasıb,
müdafiəsiz azərbaycanlıların evlərinə əl qoyub. Hamı sənin
beynəlxalq təşkilatlardan milyonlarla qrant aldığını bilir.
Maraqlıdır, keçən il prezident seçkilərindən sonra Milli Şura cəmi
bir mitinq keçirdi. O vaxtdan bəri sakit dayanmışdılar. İndi
Avropa, Amerika Azərbaycan dövlətinə təzyiq edir. Əli Kərimli
hərəkətə keçib mitinqlər keçirir. Bu nə deməkdir? Bu, onun kimlərə
işlədiyinin sübutudur. Əli Kərimlinin adamı Natiq Ədilov gündə
Amerikaya gedib ordan fotolarını “facebook”da paylaşır. Amerikada
süpürgəçi 5 min dollar maaş alır, amma kasıbçılıqla yaşayır. Bəs,
bu qədər pul Əli Kərimlidə hardandadır”, - deyə o bildirib.
“Cavan uşaqları pis yola çəkib tutdurur, öz oğlunu isə
Londonda oxutdurur”
A. Əsgərov AXCP sədrinin onun mülkü üzərindən beynəlxalq
təşkilatlar qarşısında imic qazandığını bildirib. Onun sözlərinə
görə, Əli Kərimli “bu hakimiyyət bizim mülkümüzü də sökdü, bizə
qarşı repressiyalar var” deyə sökülən mülkü öz adına çıxır: “Güman
ki, belə deməklə xaricdən də pul alır. Bu necə adamdır? Ancaq öz
cibinə işləyir, öz ambisiyalarını düşünür. Camaatın cavan
uşaqlarını pis yola çəkib tutdurur. İş çətinə düşən kimi evindən
çölə çıxmır. Öz oğlunu isə Londonda oxutdurur. Mən mübarizəmi sona
qədər davam etdirəcəm. Əli Kərimli ondan əl çəkəcəyimi düşünməsin.
Onunla sona qədər varam”.
A. Əsgərov vicdanlı cəbhəçilərin bir gün Əli Kərimlini tərk
edəcəyinə əmin olduğunu deyib.
“Vaxtilə çoxları onu tərk etdi. Əminəm ki, bir gün bütün vicdanlı
cəbhəçilər onun əməllərindən bezib gedəcəklər. Özü, bir də
ətrafındakı xuliqanlıq edən 25-30 nəfəri qalacaq. Haqq öz yerini
tutacaq. Buna əminəm”, - deyə o bildirib.
Qeyd edək ki, Türkiyədə uzun illər sahibkarlıqla məşğul olan A.
Əsgərov bir müddət öncə mülkünü AXCP-yə qərargah kimi icarəyə
vermişdi. Partiya orada yerləşəndən bir neçə ay sonra binada
partlayış baş verdi və mülk söküldü.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR