Nida.az
MSK sədrinin müavini: “Seçki pozuntuları DSK-larda məsuliyyətlə araşdırılmalıdır”
Mərkəzi Seçki Komissiyası seçki hüququnun pozulması ilə əlaqədar müraciətlərin dairə seçki komissiyaları nəzdindəki ekspert qrupu üzvləri tərəfindən araşdırılmasına həsr olunmuş seminar-müşavirə keçirir.
Publika.az xəbər verir ki, seçki subyektlərinin
maarifləndirilməsi proqramı çərçivəsində keçirilən tədbirin əsas
məqsədi vətəndaşların seçki hüquqlarını pozan hərəkətlərdən
(hərəkətsizlikdən) və qərarlardan verilən müraciətlərin
qanunvericilikdə nəzərdə tutulmuş müddətdə və qaydada ətraflı,
obyektiv və effektiv araşdırılması, həmçinin şikayət və
müraciətlərə baxılması prosesində şəffaflığın yüksək səviyyədə
təmin olunmasıdır.
Layihə çərçivəsində iştirakçılara MSK üzvləri tərəfindən “Seçki hüquqlarının pozulması ilə əlaqədar müraciətlərin komissiya tərəfindən qəbul edilməsi, qeydə alınması və ekspert qrupu üzvlərinə çatdırılması”, “Müraciət etmiş şəxsin araşdırma prosesinə dəvət olunması və iştirakının təmin olunması” və “Seçki hüququnu pozan hərəkətlərdən (hərəkətsizlikdən) və qərarlardan verilən müraciətlərin (şikayətlərin) DSK nəzdindəki ekspert qrupu üzvləri tərəfindən araşdırılmasına dair tələblər” mövzularında təqdimatlar keçiriləcək. Tədbir zamanı əvvəlki illərdə keçirilmiş seçkilərdə əldə olunmuş təcrübə və “öyrənilmiş dərslər”in müzakirəsi, eləcə də meydana çıxan sualların cavablandırılması nəzərdə tutulur.
Seminar-müşavirədə 118 seçki dairəsi dairə seçki komissiyalarının ekspert qrupunun üzvləri iştirak edir.
MSK sədrinin müavini Natiq Məmmədov seminar-müşavirədə çıxışı
zamanı seçki pozuntularının son nəticədə Avropa İnsan Hüquqları
Məhkəməsinin predmeti olduğunu deyib. Buna görə də o, seçki
pozuntularının dairə seçki komissiyalarının nəzdindəki ekspert
qruplarında məsuliyyətlə araşdırılmasının vacibliyini bildirib.
Seminar-müşavirənin Konstitusiya Gününə təsadüf etdiyini bildirən
N. Məmmədov deyib ki, Konstitusiyanın üçdə bir hissəsi insan
hüquqlarına həsr edilib: “Biz insan hüquqlarının qorunmasında
öhdəlik daşıyan insanlarıq. Ona görə də vətəndaşlardan, ictimai
birliklərdən hansı münasibəti gözləyiriksə, biz də qarşılıqlı
olaraq onlara elə münasibət bəsləməliyik. Bu prosesdə seçki
komissiyalarının rolu mühümdür. DSK nəzdindəki ekspert qrupları
insan hüquqlarının qorunması istiqamətində bir addım, öz
səlahiyyətləri daxilində məsul bir qurumdur. Hüquq-mühafizə
orqanları ilə müqayisə aparsaq, ekspert qrupları istintaq-təhqiqat
aparan qurumlar qədər əhəmiyyətlidir. Seçki hüququ insan
hüquqlarının ən ali mərtəbəsidir. Azərbaycanda artıq qanuni
əsaslarla fəaliyyət göstərən, təcrübəli seçki komissiyaları sistemi
formalaşıb, məntəqə, dairə seçki komissiyaları və MSK olmaqla ölkə
ərazisini əhatə edilir. İnşallah, ölkə ərazisi azad ediləcək, seçki
komissiyaları bütün ölkə ərazisini əhatə edəcək”.
Azərbaycanda 5 milyon nəfərdən çox seçici olduğunu nəzərə çatdıran MSK sədrinin müavini bildirib ki, Azərbaycan bu gün seçicilərinin siyahısını internetdə yerləşdirən ölkələr sırasındadır.
Seçki komissiyaları 5 milyondan çox seçicinin hüquqlarının
qorunmasına məsuldur. Bu gün seçki prosesinə siyasi partiyalar,
siyasi bloklar da qoşulur. Biz onların hüquqlarını və
münasibətlərdəki rolumuzu bilməliyik. Seçki komissiyalarında seçki
hüquqlarının pozulmaması, pozulmuş hüquqların bərpasında
maraqlıyıq. Bizim xoşlamadığımız şikayət anlayışı var, ancaq hər
bir halda şikayət insanların hüquqlarının qorunması, pozulmuş
hüquqların aradan qaldırılması üçün təbii qəbul edilməlidir. Ancaq
şikayətin olması hələ pozuntunun olması demək deyil. Ona görə də
hər bir şikayət ətraflı araşdırılmalıdır. Şikayət arxivə atılmaq
üçün deyil, hər bir şikayət mütləq araşdırılmalıdır. Şikayətlər
seçki məntəqələrində seçki məntəqəsinin üzvləri, DSK-larda ekspert
qrupları araşdırmalıdır”, - deyə MSK sədrinin müavini qeyd
edib.
Asif Nərimanlı
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan