Nida.az
Müxalifətdə “atəşkəs” pozuldu: “Artistlik etməyin”
“Mübarizə əzmində olmayan insanlar Milli Şuranı hədəf seçməklə yalnız özlərini ifşa etmiş olurlar”.
Bunu Publika.az-a açıqlamasında Milli Şuranın Koordinasiya
Mərkəzinin üzvü Vidadi Mirkamal deyib.
Qeyd edək ki, Milli Şura və AXCP-yə yaxın media Müsavatın
rəhbərliyi ilə 11 siyasi partiyanın birləşdiyi Demokratiya və İnsan
Hüquqları Mərkəzini (DİHM) hakimiyyətlə işbirliyində ittiham edir.
Həmçinin, 11 siyasi partiya sədrinin mitinq keçirmək üçün meriyaya
müraciəti tənqid edilir.
Milli Şura üzvü V. Mirkamal da 11 siyasi partiyanı ittiham edib:
“Ötən il real müxalifət birliyi Milli Şura olaraq meydana çıxdı və
bu qurumun namizədi seçkilərdə iştirak etdi. Bundan sonrakı dövrdə
də Milli Şura öz prinsipial mövqeyini davam etdirir. Mitinqə
gəlincə, bu, real mübarizə əzmində olan bir qurumun atmalı olduğu
addım idi. Siyasi mübarizə əzmində olan qüvvə hakimiyyətlə dialoqa
cəhd göstərib 11 nəfərlik piket keçirmək qərarı verməzdi. Artıq
kimin kim olduğu aydın görünür”.
V. Mirkamal qeyd edib ki, bu adamlar Milli Şuranın keçirdiyi
mitinqi gözdən salmağa cəhd göstərməklə, hörmətsizlik nümayiş
etdirirlər.
DİHM-də təmsil olunan Böyük Azərbaycan Partiyasının (BAP) sədri
Elşad Musayev Publika.az-a açıqlamasında V. Mirkamala sərt cavab
verib:
“Mərkəzdə təmsil olunan bir neçə partiya hesab edib ki, dialoq,
hökumət nümayəndəsi ilə görüşmək lazımdır. Mərkəz funksional
əməkdaşlıq qurumudur və heç kimin kiminsə qarşısında öhdəliyi
yoxdur. Mərkəzdə olan bir neçə partiya hakimiyyət nümayəndəsi ilə
görüşmək təşəbbüsündə bulunub. Biz bu qərara hörmətlə yanaşırıq.
Vidadi Mirkamal isə öz işi ilə məşğul olsa yaxşıdır. Şəxsən bizim
partiya bu təşəbbüsdə yoxdur. Ancaq Vidadi Mirkamal universitetdə
müəllim işləyib. Bizlər də Bakı Dövlət Universitetində hansı
müəllimin rüşvətxor olduğunu çox yaxşı bilirik. Hər kəs öz işi ilə
məşğul olsun, artistlik etməsin”.
Asif Nərimanlı
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan
-
Hadisə26 Aprel 21:47
Dörd aylıq körpə binadan necə düşüb? - Hadisə yerindən GÖRÜNTÜLƏR