Nida.az
Millət vəkilindən eyvandan yıxılan qadın olayına sərt münasibət
Milli Məclisin deputatı Aydın Mirzəzadə Bakıda Lalə Bayramova adlı qadının ehtiyatsızlıq üzündən 5-ci mərtəbədən yıxılaraq ciddi xəsarət alması hadisəsinə maraqlı münasibət bildirib.
Publika.az xəbər verir ki, millət vəkili
“facebook” hesabında bu barədə belə yazır: “Bu günlərdə sosial
məsələlərdən diqqətimi ən cəlb edən hadisə Bakının yaşayış
binalarının birində bir qadının öz mənzilinin balkonundan yerə
yıxılması və hadisəyə toplaşan insanların fəaliyyətsizliyi oldu.
Bəlkə də, bütün hadisələrin içindən məhz buna diqqət edilməsi
qəribə görünə bilər.
Ancaq hesab edirəm ki, istənilən siyasətin və fəaliyyətin son məqsədi insanların təhlükəsizliyi və özünü tək hiss etməməsidir. Hadisə ilə bağlı şərhlərdə əsasən kimlərinsə hadisəni həmin an videokadra çəkməsi qınanılır. Əslində isə bu, normal haldır və məhz həmin videogörüntü hadisəni daha yaxşı başa düşməyə kömək edir. Ancaq vacib odur ki, təsadüfən baş verən hadisələrdə toplaşan təsadüfi insan qrupları hər deyəndə hadisənin qarşısını almağa hazır olmur. Liderlər irəli çıxmır, operativ şəkildə maksimum xilasetmə tədbirləri görülmür, hər kəs mümkün olan vəzifəni öz üzərinə götürmür”.
A. Mirzəzadə buna bənzər hadisələri nümunə göstərir.
“Bir müddət əvvəl Rumıniyada bir qəsəbədə su quyusuna düşən qızı
ordan xilas etmək üçün toplaşan insanların içində ani surətdə
liderlər ortaya çıxdı, vəzifələr bölüşdürüldü. Orada da
videoçəkənlər oldu, ancaq qızcığaz xilas edildi. Çünki ortaya ani
olaraq tapşırıq verən liderlər çıxdı və hər kəs onun iradəsinə tabe
olaraq öz bacarığını göstərdi”, - deyə o qeyd edir.
Millət vəkili baş verən hadisəyə görə qonşuları və ora toplaşan
insanları qınayıb: “Evin kişisi həyat yoldaşının əllərini tutduğuna
görə mənzilin qapısını kömək üçün aça bilməyib. Məgər həmin an heç
fikirləşmədən mənzilin qapısını balta, lom, yaxud ələ keçən
istənilən kəsici və ya dağıdıcı alətlə qırmaq olmazdımı? Qoy lap
əri qadını xilas edəydi, qapı qırılması artıq olaydı, ancaq
inanmıram ki, ev sahibi sonradan qırılan qapıya görə kiməsə irad
bildirəydi. Qoy artıq bir qapı qırılaydı, nəinki ailə bu faciəni
yaşayaydı. Təqribən 25 il əvvəl Mingəçevirdə bağlı qapı arxasında
bələkdə ağlayan tək uşaq qalmışdı, qonşular mənzilin qapısını balta
ilə qırıb onu anasına vermişdilər. Burda isə kiminsə ağlına binanın
aşağı mərtəbəsində yaşayan ailələrdən təcili yorğan-döşək alaraq
yerə sərmək də gəlmədi.
Axı onun yıxılacağı aydın idi. Elə isə bu niyə edilmədi, niyə kimsə qonşusunun xilası üçün özünün bir-iki döşəyindən keçmədi? Niyə hadisəyə aşağıdan baxan kişilər topa ilə balkonun altında əllərini göyə qaldırıb onu tutmağa hazır olmadılar. Bəlkə, yuxarı baxmağa utanırdılar, ancaq həyatı tükdən asılı olan o qadın onların bacıları deyildimi? Məhz belə bir üsulla Çində aşağıda toplaşan kişilər balkondan sallanan və sonradan yıxılan bir nəfəri xilas edə bilmişdilər. Əlbəttə, hadisədən sonra rəy vermək, daha nə etmək olardı demək çox asandır. Ancaq həyat təsadüflərlə doludur, hər birimiz istənilən situasiyaya düşə bilərik. Hər birimiz hər birimizin xilaskarı ola bilərik. Sadəcə olaraq, çəkinmək, kiminsə komandasını gözləmək yox, özünü qabağa vermək, utancaqlıq göstərməmək, mümkün xilas variantlarını ani surətdə qəbul etmək lazımdır”.
Qeyd edək ki, Neftçilər Xəstəxanasına yerləşdirilən qadının
vəziyyəti ağırdır.
Asif Nərimanlı
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Xəbər 13:32
İlham Əliyev Almaniyada mühüm tədbirdə çıxış etdi - Yeniləndi
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı
-
Sosial12:58
Sabah 32 dərəcə isti olacaq
-
Nida Xəbər 12:16
XİN Avropa Parlamentinə cavab verdi
-
Nida Xəbər 10:29
Qriqoryan İrana hesabat verdi: Delimitasiya ilə bağlı