Qırmızı.az

Ermənilər bayram edən azərbaycanlıları gülləyə tutdular

12 Mart 2014 11:24

İlaxır çərşənbələrdən olan Yel çərşənbəsi Tərtərin Qapanlı kənd sakinləri üçün qorxulu anlarla yadda qalıb.

Milli.Az EL TV-yə istinadən bildirir ki, el adətlərinə uyğun olaraq, bayram tonqalı yandıran kənd sakinləri ermənilər tərəfindən atəşə tutulublar.

Sakinlərin bildirdiklərinə görə, hər il qarşılaşdıqları mənzərənin yenidən təkrar olunacağını təxmin ediblər. Bu səbəbdən də tonqalı hava qaralmamış qalayıblar. Lakin ermənilər sakinləri tonqalın əhatəsində gördükdə dərhal atəş açmağa başlayıblar. Atılan güllələr kənd sakini Firuzə Hüseynovaya məxsus evə dəyib. Güllələrdən biri qapıdakı ağacın budağını və evə gedən elektirik xəttini qırıb. Sakinlər deyirlər ki, əlamətdar günlərdə əhali arasında xof yaratmaq məqsədi ilə ermənilər daha da fəallaşırlar. Qapanlı sakinləri bütün çətinliklərə baxmayaraq, Novruz bayramını özünəməxsus şəkildə keçirəcəklərini bildirirlər.