Qırmızı.az
Çayxanadan Zooparka: Bakı "Savanna"sı - REPORTAJ - FOTOLAR
Axırıncı dəfə Zooparka nə zaman gəldiyimi xatırlamıram.
Onu bilirəm ki, bura gəlməyim uzun zaman olub. Aradan xeyli vaxt
keçsə də, dördayaqlı canlıların şəraiti ilə tanış olmaq, onları
yaxından müşahidə eləmək pis olmaz deyib, Bakı Zooparkına
yollandım. Arzum nə dərəcə də real oldu,indi
biləcəksiz.
Kassadan içəri keçəndə əvvəlcə çayxana mənzərəsi ilə tanış oldum.
Qəfəsdəki heyvanları görməsəydim elə bilərdim ki, səhv gəlmişəm.
Sadəcə, zooparkda bir az da çayxana abı–havası yaradıldığından bunu
düşündüm. Əvvəlcə fikirləşdim ki, ailəvi gəzəndən sonra susayan,
boğazını yaşlamaq istəyən bir stəkan çaydan-sudan içməlidilər, ya
yox! Ancaq burada ailəvi adamların əvəzinə, domino oynayan
"dayılar"ı görəndən sonra fikrimdən döndüm. İradım dayıların burda
oturmasına deyil, məni qane etməyən zooparkda çayxana şəraitinin
yaradılmasıdır. Nə isə...
Gəzmək, heyvanları yaxından müşahidə eləmək məqsədi ilə zooparka
gəlsəm də, içəri girər-girməz naməlum qoxu mənim nəfəs almağıma
imkan vermirdi. Bir az dözüb zooparkı gəzib heyvanları müşahidə
edəsi oldum. Çox keçmədi ki, narahatlıqdan dolayı gəzmək fikrindən
də necə deyərlər, vaz keçdim.
Zooparkda olduğumuz zaman valideynlər də burada olan pis qoxudan
şikayətləndilər. Bundan əlavə, onlar burada qiymətlərin həddindən
artıq baha olduğundan narazı idilər. Uşaqlar isə zooparkda
heyvanlara daha yaxın olmaqdan başqa, heç nə düşünmürlər.
Bakı Zooparkının direkoru Azər Hüseynovdan məni bayaqdan nəfəs
almağa qoymayan naməlum iyin yaranma səbəbini soruşdum. Azər
müəllim deyir ki, heyvanaların özünün məsələn, bəbirin, şirin,
ayının, canavarın spesfik iyi olur. Bu ondan da ola bilər. Bundan
əlavə, iyin belə kəskin olmasına səbəb valerlərin böyük
olmamasıdır.Valerlər heyvanların yaşadıqları yerə deyirlər. Hansı
ki, onlar dəmir qəfəsliyə salınır. Valerlərin bir hissəsi yataq
otağı, bir hissəsi də gəzmək üçün nəzərdə tutulmalıdır. Burda isə
bu şərait yoxdur.
Müşahidələrimizdən bəlli olur ki, Avropa ölkələrinə baxanda bizdə
zooparkın istənilən səviyyədə olması üçün bir çox çatışmazlıqlar
var. Bunlardan başlıcası zooparkın ərazisinin az olmasıdır. Yerin
darlığı bütün növ heyvanların olmasına şərait yaratmır. Həmçinin
yerin darlığı gigenik qaydalara əməl edilməsinə də mene olur.
Nəzərə alsaq ki, qarşıda kəskin istilər gözlənilir. Belə bir
şəraitdə, havanın da isti olması sözsüz ki, Amur pələngi, Ağ
canavar, Qırmızı canavar, ayılar üçün bir o qədər də əlverişli
deyil.
Qeyd edək ki, Bakı Zooparkında iri heyvanlardan fil, zürafə, zebra,
yırtıcıların çox növü, Benqal pələngi , şirlərdən ağ aslanlar,
insanabənzər meymunlar yoxdur. İndi isə Bakı Zooparkında 150 növ
100 başdan çox heyvan yaşayır.
Qeyd edək ki, Bakı zooloji parkın daha bir "sakini" artıb.
Zooparka bala ayı hədiyyə edilib. 1 yaşlı ayının Bakı zooloji
parkına gəlməsi cəmi bir neçə aydır. Amma o artıq buradakı işçilərə
öyrəşib.
Paytaxt sakinləri hər il olduğu kimi, bu il də parka əldə etdikləri
müxtəlif heyvanları hədiyyə etməkdə davam edir. Təkcə bu il xallı
maral, qonur ayı, porsuq kimi heyvanat parkı üçün qiymətli
heyvanlar bağışlanıb.
Yeri gəlmişkən, Zooparkda olduğum zaman müştəri sıxlığı müşahidə
etmədim. Biletlərin qiymətinə gəldikdə isə 2-10 yaşlılar üçün 60
qəpik, böyüklər üçün 1 manatdır.
Xatırladaq ki, Bakı Zooparkının ərazisi 4,5 hektardır, əlavə isə 2
hektar yer ayrılıb.Məsələn, Bakı Zooparkında olmayan fili saxlamaq
üçün 1 hektaradək yer lazımdır, bundan başqa, isti evləri də
olmalıdır. Bunun üçün Zooparka əlavə yer verilməlidir.
Qeyd edək ki,MDB ölkələrinin zooparkları ilə müqayisədə ən kiçik
zoopark Bakı Zooparkıdır.
Bakı Zooparkının direktoru Azər Hüseynovla müsahibə zamanı onu da
öyrəndim ki, burada adı Qırmızı Kitaba düşən heyvanlar da var -
Amur pələngi, Leopart, tısbağalar, quşların bir çox növləri.
Burada nəsil artırmaq istiqamətində də işlər görülür,
sultantoyuğundan, şirlərdən, ceyrandan və quşlardan balalar
alınır.
Qeyd edək ki, heyvanlar baha olduğundan, rəhbərlik doğulan
balaları digər zooparklarla dəyişərək yeni heyvanlar gətirir.
Heyvanların qiyməti isə onların nadirliyi və kökünün kəsilməkdə
olması ilə əlaqədardır. Zooparklararası ən baha heyvan insanabənzər
meymunlar, fil, zebradır.
Məlumat üçün bildirim ki, gələcəkdə Bakı Zooparkı üçün 55 hektar
yer ayrılmalıdır.
Gülşanə Mustafayeva
Fotolar Xəyal
-
Magazin207:25
İlhan Mansız azərbaycanlı xanımından olan övladının üzünü ilk dəfə göstərdi - FOTO
-
Gözəllik02:43
Onun tumu qızıl qədər dəyərli imiş... - Botoks effekti verir
-
Ekopublika.az02:19
Bakının bu ərazisi PLANA DÜŞDÜ - Tezliklə söküləcək
-
İdman01:15
Arda tarixi matçında belə qol vurdu - VİDEO
-
Qoroskop00:45
Günün qoroskopu: hadisələrin axarına müdaxilə etməyin, çünki...
-
Magazin126 Aprel 23:26
Xumar Qədimova daha bir məşhur şeiri mahnıya çevirdi - VİDEO
-
İnanc26 Aprel 23:02
Həcc ziyarəti ilə bağlı zəvvarlara XƏBƏRDARLIQ
-
Region26 Aprel 22:37
Başqa çıxış yolumuz yoxdur - Paşinyan