• USD 1,7430 0,00% EUR 1,8487 0,00%
    • GBP 2,1929 0,00% RUB 0,0275 0,00%

Ekologiya postunun ətrafındakı yol genişləndirilir

Ekologiya postunun ətrafındakı yol genişləndirilir

Bakı-Quba-Rusiya Federasiyası ilə dövlət sərhədi avtomobil yolunun 12-ci kilometrini (DİN-in Ekologiya postu yanındakı yol qovşağını) Binəqədi şosesi ilə birləşdirən 4-cü Qapı adlanan küçədə yenidənqurma işləri aparılır.

Bu barədə Publika.az-a “Azəryolservis”ASC-nin mətbuat xidmətindən məlumat verilib. 4-cü qapı küçəsi qəsəbədaxili yol kimi 8-10 ton yük üçün layihələndirilərək tikilib. Yolun neftçıxarma ərazisindən keçməsi, yolboyu bəzi hissələrdə neft qarışmış çirkab kanallarının yerləşdirilməsi də yolun əsasının nəmlənməsinə və möhkəmliyinin zəifləməsinə səbəb olmuşdu. Son illərdə ağırçəkili yük maşınlarının bu küçə vasitəsilə şəhərə daxil olması səbəbindən isə küçənin yol örtüyündə çoxlu sayda çökmə, qabarma kimi deformasiyalar əmələ gəldiyindən nəqliyyat vasitələrinin hərəkəti olduqca çətinləşmişdi. Ona görə də yolun yenidən qurulması qərara alındı.

Məlumatda bildirilir ki, uzunluğu 7 km, mövcud eni 9 m olan küçə 13 metrə qədər genişləndirilir. Sağ və sol hissələrdə yerləşən çirkab su kanalları təmizlənir, kanalizasiya boruları qoyulmaqla yol ərazisindən kənarlaşdırılır. Paralel olaraq neftlə çirklənmiş torpaq yatağı çıxarılır, 1,5-2 m dərinliyində yenidən inert materialları ilə doldurularaq kipləşdirilir. Bundan əlavə asfalt-beton örtüyünün frez mexanizmi vasitəsilə qaşınaraq çıxarılması, səki daşlarının qoyulması və yeni kommunikasiya xətlərinin çəkilməsi işləri gedir.

Xəbər lenti

DAHA ÇOX XƏBƏR