Əli Mirəliyev: “Mənim itimin də adı Reksdir, Rəqsanə...” - VİDEO

“Rəqsanəyə demək istəyirəm ki, get oxumağı örgən ay bala”.

Bu sözləri məhkəməyə verilməsi ilə bağlı sualı cavablandırarkən “Axar.az”a Əli Mirəliyev deyib.

“Heç bir qalmaqaldan söhbət gedə bilməz, Rəqsanə özü üçün danışır. Qalmaqalı yaradan “SOY” prodakşn olub. Verilişin aparıcısı mənə yaxınlaşıb sual verib ki, Əli müəllim, Rəqsanə xanım Türkiyəyə oxumağa gedir və adını dəyişib Reksi qoyub, buna münasibətiniz?

Mənim də cavabım belə olub ki, gül kimi adı var, o nə addır, gedir, getsin Türkiyəyə, amma adını dəyişməsin. Mən Rəqsanəni təhqir etməmişəm, o mənim qızım yaşındadır. Sadəcə demişəm ki, mənim itimin də adı Reksdir, o adı özünə qoymasın. Bu sözlərimi montaj edib, özlərinə necə sərf edirsə, elə efirə veriblər. Rəqsanəyə demək istəyirəm ki, get oxumağı öyrən, ay bala, Türkiyəyə gedirsən get, amma Azərbaycan musiqisi sənlik deyil”.

Xatırladaq ki, artıq neçə vaxtdır aralarında yaşanan qalmaqaldan sonra Rəqsanə İsmayılova Əli Mirəliyevi məhkəməyə verib.