• USD 1,7339 0,00% EUR 1,8516 0,00%
    • GBP 2,1859 0,00% RUB 0,0272 0,00%

Qadınlar üçün "ağıllı" bilərzik - FOTO

Qadınlar üçün "ağıllı" bilərzik - FOTO

“Intel” şirkəti qadın auditoriyası üçün nəzərdə tutulmuş ünsiyyət və naviqasiya üçün funksiyalara malik “MICA” bilərziyini nümayiş etdirib.

Bildirilir ki, “ağıllı” “MICA” (My Intelligent Communication Accessory) aksessuarının dizaynı “Opening Ceremony” şirkəti tərəfindən hazırlanıb.

Bilərziyin tərtibatında ilan dərisi, 18 karatlıq qızıl, mirvari və obsidiandan istifadə olunub, “MICA”-nın sensor ekranı sapfir şüşədən hazırlanıb. Qurğunun texnoloji "içliyi" “Intel” şirkəti tərəfindən hazırlanıb.

"MICA – bu, müasir qadınlara mətn mesajlarına, “Gmail” və “Facebook” bildirişlərinə, həmçinin “Google” təqviminə giriş imkanı verən gözəl və “ağıllı” qolbaqdır" – deyə şirkətdən bildirilib. İstifadəçilər yeni mesaj və məktublar haqda bildirişlər ala, onlara qısa cavab verə, həmçinin daxil olan bildirişlərin filtrasiyası üçün VIP kontakt siyahıları yarada bilərlər.

ABŞ-da qurğunun dəyəri “AT&T” operatoru ilə ikiillik müqavilə əsasında 495 dollar təşkil edəcək. Dekabrın əvvəlində qolbağın satışlarına başlanılacaq.

Xəbər lenti

DAHA ÇOX XƏBƏR