İdman
Olimpiya çempionunun məşqçisi Çindəki qələbənin sirrini açdı – FOTOLAR
Çinin Nanjinq şəhərində keçirilən Gənclərin Yay Olimpiya Oyunları Azərbaycan taekvondosu tarixinə qızıl hərflərlə yazıldı.
Belə ki, bu mötəbər yarışda 4 taekvondoçu ilə təmsil edilən
Azərbaycan 1 qızıl və 1 gümüş medal əldə etdi. Səid Quliyev (-73
kq) olimpiya çempionu kimi Azərbaycan himnini səsləndirən şəxs
oldu. Ceren Özbek (-44 kq) isə yalnız finalda məğlub olaraq
olimpiadanın gümüş medalına layiq görüldü. Bu medallar Azərbaycanın
taekvondo idman növü üzrə Olimpiya Oyunlarından qazandığı ilk
medallardır.
Taekvondo üzrə Olimpiya çempionu- Səid Quliyevin şəxsi məşqçisi, eləcə də Azərbaycan Taekvondo Federasiyasının yeniyetmələrdən ibarət yığma komandasının böyük məşqçisi Sənan Həşimov Publika.az-a verdiyi müsahibədə bu uğurun sirrini açıqladı.
Öncə Nanjinqdə keçirilmiş Gənclərin Yay Olimpiya
Oyunlarından danışaq…
- Öncə Azərbaycanın taekvondo ailəsini böyük qələbə münasibətilə
təbrik edirəm. Bu möhtəşəm qələbədə əziyyəti olan hər kəsə öz
təşəkkürümüzü bildiririk. Ölkə prezidenti cənab İlham Əliyevin
idmana göstərdiyi qayğının nəticəsidir ki, Azərbaycan idman ölkəsi
kimi böyük nailiyyətlər əldə edir. Həmçinin, Azərbaycan Taekvondo
Federasiyasının prezidenti, cənab Kəmaləddin Heydərovun federasiya
prezidenti kimi taekvondo idman növünə göstərdiyi xüsusi diqqət və
qayğı sayəsində, idmançılarımız ayrı-ayrı mötəbər yarışlarda yüksək
nəticələr qazanırlar. Bu dəfəki qalibiyyət də məhz həmin qayğının
bir daha təzahürüdür. Federasiyanın vitse-prezidentləri Nağı
Səfərova və Niyaməddin Paşayevə dərin minnətdarlığımı bildirirəm.
Onlar qələbəyə gedən bu yolda öz köməkliklərini göstərmiş
oldular.
Azərbaycanın taekvondo tarixində ilk dəfə olaraq Olimpiya
Oyunlarında idmançımız qızıl medal qazandı. Həmin taekvondoçunun
şəxsi müəllimi kimi təəssüratlarınız nədən ibarətdir?
- Azərbaycan taekvondosu nəhayət ki, öz sözünü Olimpiya Oyunlarında
da dedi. Belə ki, 4 taekvondoçumuzdan ikisi finala vəsiqə qazandı.
Medallardan hər ikisi qızıl ola bilərdi, amma biri qızıl, biri
gümüş oldu. Təbii ki, bu nəticə taekvondomuz üçün böyük
nailiyyətdir. Məhz tələbəm Səid Quliyevin olimpiya çempionu olması
isə mənim üçün bir başqa sevindirici haldır. Onun şəxsi müəllimi
olaraq ürəyimdə xoş sözlər kifayət qədərdir. Ancaq mən bu dəqiqə
onları ifadə edə bilmirəm. Düşünürəm ki, fəxr etməyə dəyər və
əziyyətimiz hədər getməyib.
Səidin Olimpiadaya hazırlığı barədə danışaq. Bu mötəbər yarışa necə köklənmişdi?
-Səid bu ilin mart ayında gənclər arasında dünya birinciliyində
son saniyələrdə qızıl medalı əldə vermiş, gümüş medal qazanmışdı. O
andan etibarən Səid qarşısına məqsəd kimi Olimpiya çempionu olmağı
qoymuşdu. Özünü tam şəkildə Nanjinq Yay Olimpiya Oyunlarına
kökləmişdi. Təlim-məşqlərdə özünü yaxşı tərəfdən göstərən Səid,
gənclərdən ibarət yığma komandanın baş məşqçisi Məmməd Abdullayev
və böyük məşqçi Zahid Məmmədovun etimadını doğrultdu. Bir sözlə,
çəkilən əziyyət yerdə qalmadı.
Sənan müəllim, qələbəyə nə dərəcədə inanırdınız və bu sizin
üçün nə deməkdir?
-Səid olimpiadaya qədər bir çox beynəlxalq yarışların qalibi idi.
Nanjinq Olimpiadasına lisenziya verən turnirin gümüş mükafatçısı
oldu, həmçinin, eyni vaxtda gənclər arasında dünya birinciliyinin
gümüş medalını əldə etdi. Onun belə uğurlu nəticələri bizdə böyük
ümidlər yaratmışdı. Allaha şükürlər olsun ki, ümidlərimiz boşa
çıxmadı. Bu isə tək mənim üçün deyil, bütün Azərbaycan xalqı üçün,
Azərbaycan idmanı üçün, Azərbaycan taekvondosu üçün böyük
qələbədir. İnanıram ki, bu, böyük qələbələrimizin
başlanğıcıdır.
-
Magazin118:00
"Elgiz və Zaur verilişinə getmək üçün mənə pul verir"
-
Nida Xəbər 17:25
İlham Əliyev Almaniyada mühüm tədbirdə çıxış etdi - Yeniləndi
-
Rəsmi xronika16:53
İlham Əliyevin Almaniya XİN rəhbəri ilə görüşü keçirildi
-
Nida Xəbər 16:06
İrəvandan Tehrana tərs şillə: Yeni qaz kəməri çəkilməyəcək
-
Rəsmi xronika15:18
Azərbaycanla Ermənistan arasında... - İlham Əliyev
-
Sağlamlıq14:56
Bu qan qrupuna aid olan insanlarda insult riski YÜKSƏKDİR
-
Dünya14:01
Sensasion iddia: Asiyada müharibə bu paslı gəmiyə görə başlayacaq - FOTO
-
Nida Təhlil 13:10
Türkiyə hərbçiləri Qarabağa niyə gətirilmişdi? - Əliyevin strateji planı