Dünya

İŞİD şiə məscidini partlatdığı üçün 2 milyon alıb - İDDİA

26 May 2015 02:09

İŞİD Səudiyyə Ərəbistanının Katif şəhərindəki İmam Əli məscidinin partladılması üçün xarici kəşfiyyat orqanlarının birindən 2 milyon dollar alıb.

Axar.az xəbər verir ki, bu barədə Küveytin “Əlrəy” qəzeti yazıb. Qəzetin məlumatına görə, partlayışdan bir neçə gün öncə xarici kəşfiyyat orqanının üç zabiti İŞİD-in beş nəfərlik rəhbər heyəti ilə İraqın şimal şəhərlərinin birində görüşüb. İddiaya görə, 2 milyondan əlavə kəşfiyyatçılar İŞİD-in müasir silahlarla təchiz edilməsi barədə öhdəlik də götürüblər. İŞİD-lə görüşən xarici kəşfiyyat orqanının kimliyi barədə məlumat verilməyib. Qeyd edək ki, mayın 22-də Katif şəhərindəki İmam Əli məscidi partladılıb. Partlayış zamanı 21 nəfər ölüb, 102 nəfər isə yaralanıb. İŞİD terror təşkilatı partlayışın məsuliyyətini öz üzərinə götürüb.