ABŞ

Dünyanın diqqət mərkəzində olan görüşün formatı açıqlandı

21 Fevral 2019 21:35

ABŞ və KXDR liderləri Donald Tramp və Kim Çen Inin Vyetnamın Hanoy şəhərindəki görüşü ötən il Sinqapurda keçirilmiş ABŞ-KXDR sammiti formatında olacaq.

Publika.az xəbər verir ki, bu barədə Ağ evdən bildirilib. “Deyə bilərəm ki, bu, formatına görə ötən ilin iyununda Sinqapurda gördüklərimizi xatırladacaq. İki liderin təkbətək görüşmək, birlikdə nahar etmək, nümayəndə heyətlərinin geniş formatda görüşlərində iştirak etmək imkanı olacaq”, - deyə o qeyd edib. Onun sözlərinə görə, Prezident Tramp Şimali Koreyanın nüvəsizləşdirilmə üzrə vədini qəti şəkildə yerinə yetirəcəyi təqdirdə bu ölkəni gözləyən gələcək barədə daha detallı danışmağa çalışacaq.

Xatırladaq ki, bir qədər əvvəl Cənubi Koreyanın YTN telekanalı Donald Tramp və Kim Çen In arasında fevralın 27-28-də Hanoyda keçirilməsi nəzərdə tutulan sammitlə bağlı planın dəyişdiyi barədə məlumat yayıb. Güman olunur ki, ki, liderlər yalnız bir günlük görüşlə kifayətlənəcəklər.