ABŞ

Tramp Baydenin onun tərəfdarlarını “zibil” adlandırmasına belə cavab verdi - VİDEO

31 Oktyabr 2024 17:08

Respublikaçılar Partiyasından ABŞ prezidentliyinə namizəd Donald Tramp zibil maşınında poz verib.

Publika.az xəbər verir ki, Tramp ABŞ prezidenti Co Bayden onun tərəfdarlarına qarşı "zibil" ifadəsini işlətdikdən sonra o, zibil maşınına minib.

Zibil maşınında paylaşdığı foto ilə bağlı Tramp “Kamala və Co hamımızı zibil adlandırır. Mən isə sizi Amerikanın ürəyi və ruhu adlandırıram”, deyib.

Həftə sonu Trampın mitinqində çıxış edən Tony Hinchcliffe və Puerto Rikolularla bağlı şərhləri ilə böyük reaksiyaya səbəb olub. Zibil maşınının içindən danışan Tramp həmin şəxs haqqında heç nə bilmədiyini, onun açıqlama verdiyini eşitdiyini, lakin bu şəxsin öz ifadəsi olduğunu və bu şərhin onun öz fikirlərini əks etdirmədiyini qeyd edib.

Aysel Şahmar