Bayden Trampa qarşı bu hərəkəti etməyəcək - Ancaq Donald vaxtilə...

ABŞ-ın hazırkı prezidenti Co Bayden seçkidə hansı namizədin qalib gəlməsindən asılı olmayaraq, varisinin inauqurasiya mərasimində iştirak etməyi planlaşdırır.

Publika.az “European Pravda”ya istinadən xəbər verir ki, bu barədə Ağ Evin mətbuat katibi Karine Jan-Pyer brifinq zamanı bildirib.

O, hakimiyyətin təhvil-təslim prosesinin sülh yolu ilə keçəcəyini də vurğulayıb.

"Prezident hakimiyyətin dinc yolla ötürülməsinə inanır və siz bunu görəcəksiz. Söhbət ondan yox, Amerika xalqından gedir. Kimin qalib gəlməsindən asılı olmayaraq, Amerika xalqının bunu görməsi lazımdır", - Jan-Pyer deyib.

Ağ Evin sözçüsü qeyd edib ki, səlahiyyət müddəti başa çatan prezidentlər mütəmadi olaraq öz xələflərinin andiçmə mərasimlərində iştirak edirlər.

"Bayden də əlbəttə iştirak edəcək", - deyə Jan-Pyer bildirib.

O, Donald Trampın 2021-ci ildə Baydenin andiçmə mərasimində iştirak etmədiyini xatırlamayıb. Halbuki Tramp və xanımı Melaniya prezident iqamətgahının növbəti sakinlərinin ənənəvi təbriklərinə və andiçmə mərasiminə məhəl qoymadan Baydenin inauqurasiyasından əvvəl Ağ Evi tərk edib.

Adəm Abbaslı