ABŞ Sərhəd Patrulu Şarlotta yerləşdirildi - HƏBSLƏR BAŞLADI

ABŞ Sərhəd Xidmətinin qüvvələri Şimali Karolina ştatının Şarlott şəhərində yerləşdirilib.

Publika.az xəbər verir ki, bu barədə NBC telekanalı məlumat yayıb.

“Federal agentlər (ABŞ – red.) şəhərdə sərhəd xidmətinin yerləşdirilməsindən sonra həbslərə başlayıblar. Daxili Təhlükəsizlik Nazirliyinin iddiasına görə, tədbirlər amerikalıların təhlükəsizliyini təmin etmək və ictimai təhlükəsizlik təhdidlərini aradan qaldırmaq məqsədi daşıyır”, – deyə telekanalın materialında bildirilir.

İyun ayından etibarən ABŞ Prezidenti cinayətkarlığa qarşı mübarizə məqsədilə federal güc strukturlarının ölkənin iri şəhərlərinə cəlb olunması praktikasını həyata keçirməyə başlayıb. Bu çərçivədə Los-Anceles, Vaşinqton, Çikaqo, Memfis, Portlend və San-Fransiskoda Milli Qvardiya və digər qurumların qüvvələri yerləşdirilib.

Lakin bu praktika tez-tez Tramp administrasiyasının hərəkətlərini qanunsuz hesab edən dairə məhkəmələrinin müqaviməti ilə üzləşir. Belə ki, oktyabrın sonunda məhkəmə Trampın Çikaqoya Milli Qvardiya yerləşdirməsini qeyri-müəyyən müddətə qadağan edib.

Hüseyn İbadlı