ABŞ

Ağ Evdə KRİTİK GÖRÜŞ: ABŞ bu ölkəyə 48 ədəd beşinci nəsil qırıcı sata bilər - VİDEO

18 Noyabr 2025 21:48

ABŞ Prezidenti Donald Tramp Vaşinqtonda Səudiyyə Ərəbistanının vəliəhd şahzadəsi Məhəmməd bin Salman ilə görüşüb

Publika.az xəbər verir ki, Bin Salmanın “Mercedes”i atlı mühafizəçilərin müşayiəti ilə Ağ Evə gəlib.

Onu qapıda ABŞ-ın yüksək səviyyəli rəsmiləri, o cümlədən Trampın özü, ABŞ dövlət katibi Marko Rubio, ABŞ vitse-prezidenti J.D.Vens və digər siyasətçilər qarşılayıblar.

Bin Salmanın səfər proqramına Oval kabinetdə danışıqlar, Nazirlər Kabinetinin otağında işçi nahar və rəsmi şam yeməyi daxildir.

ABŞ və Səudiyyə Ərəbistanı liderləri arasında keçiriləcək görüşdə 48 ədəd beşinci nəsil "F-35" qırıcılarının Ər-Riyada mümkün satışının müzakirə ediləcəyi gözlənilir. İsrail hazırda Yaxın Şərqdə belə təyyarələrə malik olan yeganə ölkədir.

Səudiyyə Ərəbistanının vəliəhdi Trampın dəvəti ilə noyabrın 17-də ABŞ-a səfər edib. Gələcək monarx rəsmi işgüzar səfərlə ABŞ-a uçub.

Hüseyn İbadlı