ABŞ

Məhkəmə qərarı qüvvədə saxladı: Tramp 1 milyon dollar ödəməlidir

27 Noyabr 2025 17:14

ABŞ-ın federal apellyasiya məhkəməsi Hillari Klintonu 2016-cı il prezident seçkilərini saxtalaşdırmaq cəhdində ittiham edən prezident Donald Tramp və onun keçmiş vəkili Alina Habbaya qarşı tətbiq edilən 1 milyon dollara yaxın cəriməni qüvvədə saxlayıb.

Publika.az xəbər verir ki, bu barədə "RİA Novosti" məlumat yayıb.

Qeyd edək ki, 2023-cü ildə məhkəmə Trampın “hərəkətlərinin nəticələrini mükəmməl bildiyini” qeyd edən qərar çıxarıb. Bu dəfə apellyasiya məhkəməsi Trampın iddialarını “vaxtında olmayan və əsassız” kimi qiymətləndirərək, şikayətin özündə isə nəticələrinə faktiki dəstək verə biləcək hər hansı konkret iddianın olmadığını bildirib.

Yeri gəlmişkən xatırladaq ki, noyabrın 26-da məlum olub ki, Corciya ştatı Co Baydenin prezident seçilməsi ilə nəticələnən 2020-ci il seçkilərinin nəticələrinə etiraz etmək cəhdləri ilə bağlı Tramp və onun komandasına qarşı cinayət işini bağlayıb.

Adəm