ABŞ

Növbəti “Green Card” müraciətləri buna görə gecikib

28 Noyabr 2025 02:42

ABŞ-dəki “Green Card” lotereyası proqramına 2026-cı il üçün müraciətlərin hələ də açılmaması namizədlər arasında geniş müzakirələrə səbəb olub.

Publika.az “Qafqazinfo”ya istinadla xəbər verir ki, adətən, oktyabr–noyabr aylarında başlayan proses bu il ilk dəfə olaraq gecikir.

Qeyd edək ki, ABŞ mediası gecikmənin səbəbi kimi müraciət sistemində aparılan texniki yenilikləri göstərir. İddialara görə, proqramda 1 dollarlıq qeydiyyat haqqı tətbiq olunacaq və bunun üçün sistem yenilənir. Bu ödənişin məqsədi saxta müraciətlərin qarşısını almaq və yüklənməni azaltmaqdır.

Bundan başqa, bir neçə ildir müzakirə edilən pasport tələbinin geri qaytarılması ehtimalı da gündəmdədir. Onu da bildirək ki, lotereyaya müraciətlərin dəqiq vaxtı qeyd edilməsə də, prosesin yaxın zamanlarda başlaması gözlənilir.