Trampdan bütün dövlətlərə qarşı şok qərar

ABŞ Prezidenti Donald Tramp, fevralın 20-də elan etdiyi bütün dövlətlərə qarşı tətbiq olunan rüsumları 10 faizdən 15 faizə qaldırdığını bəyan edib.

Publika.az xəbər verir ki, ABŞ Ali Məhkəməsi qərara alıb ki, Tramp idxal rüsumlarını elan etmək üçün Fövqəladə İqtisadi Səlahiyyətlər Haqqında Qanundan istifadə edə bilməz, hərçənd Amerika prezidenti öz hüququnu məhz bu sənədlə əsaslandırırdı. Altı hakim qərarın lehinə, üçü isə əleyhinə səs verib. Beləliklə, Amerika məhkəməsi Trampın hərəkətlərinin səlahiyyətləri aşma kimi şərh edilə biləcəyi qənaətinə gəlib. Ali Məhkəmədən əvvəlki aşağı instansiya məhkəməsi də eyni qərarı vermişdi.

Ali Məhkəmənin qərarından qısa müddət sonra "CNN" telekanalının aparıcısı Keytlen Kollins Trampın artıq "ehtiyat plan" barədə danışdığını bildirib. Kollins detalları açıqlamayıb. Onun sözlərinə görə, Amerika Prezidenti ABŞ-ın ali məhkəmə instansiyasının verdiyi hökmü "rüsvayçılıq" hesab etdiyini deyib.

Bundan dərhal sonra Tramp bütün dövlətlər üçün 10 faizlik ticarət rüsumları elan edib və sonradan həmin dərəcəni artırıb.

Hüseyn İbadlı