Qartopu qalmaqalı: Nyu‑York polisi bu iki şəxsi axtarır - Foto

ABŞ-da Nyu‑York Polis Departamenti hüquq-mühafizə orqanlarının əməkdaşlarına qartopu atan iki kişi barədə axtarış elan edib.

Publika.az TASS-a istinadən xəbər verir ki, hadisə ilk baxışda zərərsiz oyun kimi görünsə də, nəticələri ciddi olub. Polis hesabatında bildirilir ki, şübhəlilər zabitlərə yalnız qar deyil, həm də iti buz parçaları atıblar. Nəticədə hüquq-mühafizə əməkdaşları baş, boyun və üz nahiyələrindən xəsarətlər alaraq xəstəxanaya yerləşdiriliblər.

Məlumata görə, insident qar fırtınasından sonra Nyu‑York şəhər parklarından birində keçirilən kütləvi qartopu döyüşü zamanı baş verib. Onlarla insanın iştirak etdiyi tədbirdə asayişi qorumaq üçün polis əraziyə cəlb olunub. Bir müddət sonra polis əməkdaşları da oyuna qoşulub, lakin məhz bundan sonra bəzi şəxslər tərəfindən zabitlərə qar və buz parçaları atılmağa başlanıb.

Şəhərin Polis Komissarı Cessika Tiş hadisənin cinayət xarakteri aldığını bildirib. O qeyd edib ki, hüquq-mühafizə əməkdaşlarına qarşı qəsdən təhlükəli predmetlərin atılması hücum kimi qiymətləndirilə bilər.

Bununla belə, Nyu-York meri Erik Adams hadisənin oyun xarakterli olduğunu və həddindən artıq şişirdildiyini deyib.

Polis həmkarlar ittifaqının rəhbərliyi isə zabitlərə qarşı hərəkətləri hücum kimi qiymətləndirib.

Araşdırma davam edir, şübhəlilərin saxlanılması istiqamətində tədbirlər görülür.

Adəm