Art

“Toppuş bacı”nın ailəsi nazirliyə MÜRACİƏT ETDİ

22 Yanvar 2023 19:00

Xəbər verildiyi kimi, uzun müddətdir xərçəng xəstəliyindən əziyyət çəkən Əməkdar artist Tünzalə Əliyeva saat 12 radələrində Milli Onkologiya Mərkəzində dünyasını dəyişib.

Publika.az xəbər verir ki, aktrisanın ailəsi Mədəniyyət Nazirliyinə müraciət edib. Yaxınları onun Bakıda "Qurd Qapısı" deyilən ərazidə yerləşən İkinci Fəxri Xiyabanda dəfn olunmasını xahiş edirlər.

Onlar bildirirlər ki, həmin xiyabanda fəxri adlara layiq görülmüş məşhur insanlar dəfn olunurlar. Mərhumun yaxınları istək və tələblərini onunla əsaslandırırlar ki, aktrisa Tünzalə Əliyeva da "Əməkdar artist" fəxri adı almış məşhurlardandır.

Hazırda Tünzalə Əliyevanın ailəsi sözügedən qurumdan cavab gözləyir.

Qeyd edək ki, mərhum aktrisanın 50 yaşı var idi. Onun Röyal adlı şəxslə olan evliliyindən bir qız övladı var. (Bizim.Media)