Pakistanlı nazirə “İqlim naminə mədəniyyət” təşəbbüsü barədə məlumat verildi
Bizi izləyin

Art

Pakistanlı nazirə “İqlim naminə mədəniyyət” təşəbbüsü barədə məlumat verildi

Pakistanlı nazirə “İqlim naminə mədəniyyət” təşəbbüsü barədə məlumat verildi

Noyabrın 21-də Yeni Dehlidə Şanxay Əməkdaşlıq Təşkilatının Sivilizasiyalararası Dialoq Forumu çərçivəsində Azərbaycanın mədəniyyət naziri Adil Kərimli Pakistanın iqlim dəyişmələri və ətraf mühitin koordinasiyası üzrə federal naziri, ölkə nümayəndə heyətinin rəhbəri Musadik Masud Malik ilə görüşüb.

Bu barədə Publika.az-a Mədəniyyət Nazirliyinin mətbuat xidmətindən məlumat verilib.

Bildirilib ki, söhbət zamanı Azərbaycan ilə Pakistan arasında humanitar və mədəniyyət sahələrində münasibətlərin uğurla inkişaf etdiyi vurğulanıb.

Görüşdə Azərbaycanın COP29 çərçivəsində irəli sürdüyü “İqlim naminə mədəniyyət” (“Culture for Climate”) təşəbbüsü, mədəniyyətin iqlim dəyişmələri ilə mübarizədə rolu, eləcə də mədəni irsin iqlim risklərindən qorunması sahəsində beynəlxalq əməkdaşlıq imkanları barədə məlumat verilib. Bildirilib ki, təşəbbüs dayanıqlı inkişafın və iqlim fəaliyyətinin təşviqində mədəniyyətin rolunun gücləndirilməsini nəzərdə tutur.

Oxumağa davam et
Reklam
Reklam

Gündəm