Rusiya dünyanın super dövləti kimi... - XƏBƏRDARLIQ

“Rusiya bu gün Qərb üçün beynəlxalq terrorizmdən daha böyük təhlükədir”.

Publika.az xəbər verir ki, bu haqda Belçikanın müdafiə əməliyyatları üzrə komandanı Karl Qillis “Paris Match” nəşrinə müsahibəsində bildirib.

O, bu fikrə Rusiya prezidentinin siyasi məsələlər üzrə məsləhətçisi ilə NATO ölkələrinin nümayəndələrinin görüşünün nəticəsinə görə gəlib. Görüş yaxın vaxtlarda Romada NATO-nun Müdafiə Kollecində keçirilib. Onun sözlərinə görə, bu tədbirdə terrorizm mövzusu demək olar ki, qaldırılmırdı, amma Rusiya təhlükəsi demək olar ki, bütün məruzələrdə var idi.

Qillisin sözlərinə görə, Rusiya nümayəndəsinin çıxışı göstərir ki, Moskva dünyanın super dövləti kimi möhkəmlənmək və bu məqsədlə dünyada əhəmiyyətli rol oynayan Asiya-Sakit okeanı regionuna nüfuz etmək niyyətindədir.

O, əlavə edib ki, sərhədlərində nə vaxtsa bufer zona olan yerlərdə təsirin bərpası indi Rusiyanın hədəfidir. Belçikalı zabitin sözlərinə görə, Rusiya nəyin bahasına olursa-olsun Avropa İttifaqı-NATO birliyini pozmağa səy göstərir.