Britaniya “Soyuq müharibə” strategiyasına qayıdır

Böyük Britaniyanın Müdafiə Nazirliyi Rusiya tərəfindən təhlükələrə qarşı “soyuq müharibə” dövrünün strategiyasına qayıdır.

Publika.az “RİA-Novosti” agentliyinə istinadən xəbər verir ki, bu haqda Böyük Britaniyanın Müdafiə Nazirliyinin başçısı Uilyamson Qevin bildirib.

Yeni strategiyaya uyğun olaraq, Müdafiə Nazirliyində İran, Rusiya və Çin kimi düşmən ölkələrdən olan təhlükələri izləyən xüsusi bölmənin işi yenilənəcək. 1980-ci illərin əvvəllərində yaradılmış bölmə SSRİ-də yenidənqurmanın başlanğıcından sonra bağlanmışdı.

Uilyamson həmçinin bildirib ki, bölmə Böyük Britaniyanın silahlı qüvvələrinin döyüş hazırlığının qiymətləndirilməsi ilə məşğul olacaq. Xüsusi halda, nazirin sözlərinə görə, artıq Arktikada Rusiyanın sualtı gəmilərinin fəallığının artmasından sonra Arktik proqramı çərçivəsində Norveçin dəniz piyada qoşununun hazırlığı gücləndirilib və demək olar ki, “soyuq müharibə”nin səviyyəsinə çatıb.

Bundan başqa, Britaniya hərbi gəmiləri, döyüş sualtı gəmiləri və vertolyotları müasirləşdirməyi, həmçinin kiber əməliyyatlarına diqqəti ayırmağı planlaşdırır.

Ömər Dağlı