Norveçdə HƏYƏCAN: 2 hava limanı şübhəli PUA-lara görə BAĞLANDI

Oktyabrın 19-da Norveçin ikinci böyük şəhəri Bergenin hava limanının fəaliyyəti iki saatdan çox müddətə dayandırılıb.

Publika.az xəbər verir ki, bu barədə "Blomberg" məlumat yayıb.

Bildirilib ki, buna səbəb erodrom yaxınlığında stasionar pilotsuz uçuş aparatı (PUA) olub.

Norveç hüquq-mühafizə orqanları bir neçə PUA-nın ola biləcəyini bildiriblər. Bergendəki hava limanı Norveçin əsas hərbi dəniz bazası - Şimali Avropanın ən böyük hərbi dəniz hərbi bazalarından biri olan Haakonsvern yaxınlığında yerləşir.

Həmçinin müvəqqəti olaraq bağlanmış kiçik Ferde daxili hava limanının yaxınlığında bir PUA-nın olduğu bildirilib. Polis şübhəlilərin hələ müəyyən edilmədiyini, lakin araşdırmalara başlanıldığını bildirib.

Xatırladaq ki, dörd rusiyalı Norveçdə gizli obyektlərin qeyri-qanuni fotoşəkillərini çəkməkdə şübhəli bilinərək həbs edilib. Həbslər ötən həftə baş tutub.

Norveç polisi bir rusu Tromso hava limanında saxlayıb və onu PUA idarə etməkdə ittiham edib.

Hüseyn İbadlı